Hugrún

Búið í bili

2005-08-24T10:52:00.000+01:00

Jæja nú er ég búin með ritgerðina, rúmri viku fyrir skiladag! Við Helgi tókum ágæta törn í ágúst og skrifuðum langt fram á kvöld. Þetta er búið að vera ágætis skemmtun og árið hefur liðið ótrúlega fljótt. Ætla bara að taka mér frí þessa daga því ég byrja í nýrri vinnu 2. september hjá Anza.

Þar sem ég er flutt heim og allt að komast í réttar skorður þá finnst mér ekkert merkilegt hægt að segja hér.

Kveð því í bili.

Slapp frá London:-/

2005-07-07T14:39:00.000+01:00

Eins og öllum öðrum brá mér við að heyra af hryðjuverkunum í London í morgun. Ég kom þaðan í gærkvöldi, og ef ekki hefði verið fyrir dýrt flug hefði ég ennþá verið þar! Fór meira að segja í gegnum Russell Square og King´s Cross lestarstöðvarnar í gær sem sprungu í morgun... soldið skrítið. Vona að vinir mínir séu í lagi en skilst á LSE að enginn úr skólanum hafi dáið.

Erfiður tími og allt er lamað en ég vona að borgin og fólkið nái sér á strik. Get ekki lýst því hvað ég er fegin að vera flutt frá London fyrir fullt og allt!!!

Allir frá, mér liggur á!!!

2005-07-01T13:22:00.000+01:00

... því ég fæ íbúðina mína loksins í dag, eftir tíu mánaða útstáelsi! Er ekki búin að fá lyklana en hóa í flutningsliðið í fyrramálið. Reyndar eru flestir svo "óheppilega" illa fyrirkallaðir að vera í útilegu og geta því ekki hjálpað; meira að segja er Helgi ekki í bænum! Er því ein í kotinu og með fullt af bílum til að velja úr til að flytja dótið okkar í. Má víst ekki kvarta of mikið því við erum ekki með svo mikið af drasli til að flytja því skildum svo mikið eftir í íbúðinni. Og auðvitað væri hægt að bíða með flutninginn þangað til eftir helgi en mér liggur bara svo á!! Æ stelpur, þið skiljið þetta.

Þessi fyrirliggjandi flutningur hefur átt hug minn allan þessa vikuna. Ekki nóg með það, heldur held ég á vit ævintýranna í London á mánudaginn og hef því verið upptekin við að plana búðarrápið og svo framvegis. Reyndar þarf ég að troða inn í dagskrána fundi með kennaranum mínum en það hlýtur að vera hægt, ég er jú svo skipulögð. Þetta verður reyndar stutt stopp og því þarf að nýta tímann sem best. Það er reyndar búið að stinga upp á því að geyma flutninginn í Dynsalina þangað til ég kem aftur frá London, en ég finn á mér að það sé ekki rétta leiðin sko. Laugardagur til lukku, muniði.

Ég hef semsagt ekki verið alveg nógu dugleg þessa vikuna við lærlinginn en þess má geta að ég er langt á undan áætlun þessarar viku. Eins gott því mikið er um mannfagnaði, til að mynda komst ég ekki í sex ára afmæli um daginn, en lét sjá mig í skírn hjá Bergdísi Lilju bróðurdóttur minni, saumó hjá Höllu og útskrift hjá Ellu vinkonu. Til hamingju með níuna, Ella mín!!

Er nú bara nokkuð stolt af að ég sé að skrifa hérna inn, það er sko ekkert sjálfgefið að maður gefi sér tíma til þess þegar maður er á landinu!

Frí í Barcelona

2005-06-10T15:36:00.000+01:00

Við vorum að koma heim eftir vikufrí í Barcelona. Tek það fram að þetta var menningarferð og við erum því "útitekin" en ekki sólbrún! Skrítið að vera loksins komin á næstumþví-minn-stað eftir nokkurra mánaða flakk á milli staða. Fer svo endanlega á nákvæmlega-minn-stað í byrjun júlí þegar ég flyt aftur "heim" í Dynsalina. Allt dótið mitt er á sama stað í fyrsta sinn í langan tíma og ég hef sko sankað að mér ótrúlega miklu magni af dóti (aðallega fötum og skóm). Þarf líklega að byrja á því að grisja þegar ég kem mér almennilega fyrir.

Við Helgi leigðum okkur litla íbúð í Barcelona og vorum þar í rúma viku. Þó svo að flestir segi að borgin sé alveg æðisleg þá fannst mér þetta nú bara alveg nógur tími. Ég nenni nefnilega ekki að hanga í sólbaði of lengi og við vorum bara orðin of þreytt í löppunum til að ganga meira um og skoða. Við skoðuðum fullt af dóti sem Gaudi hannaði (sem er spænskur arkitekt sem dó á 3. áratugnum) og fann ég meira að segja fyrir smá listabakteríu! Hann hefur hannað rosalega flott hús og garð og kirkju og fleira og við vorum alveg heilluð af stílnum. Hápunktur ferðarinnar var samt að skoða nashyrninginn í dýragarðinum! Alltaf gaman að heilla litlu börnin... en við sáum líka fullt af öðrum skemmtilegum dýrum. En það voru samt vonbrigði að uppgötva hvað allt var orðið dýrt og bara lítið hægt að versla í Barcelona. Mér finnst að allar búðir eigi bara að vera á sama stað, svo maður þurfi ekki að ganga marga kílómetra til að fara í eina búð. Kannski erum við orðin of góðu vön frá Bretlandi... hver veit? Ég keypti mér til dæmis bara tvenna skó! og fannst ekkert varið í skóbúðirnar þarna!!

Vorum svo heillengi á leiðinni heim því við millilentum í London í 8 tíma og týmdum ekki að taka lestina inn í borgina. Vorum heillengi bara að spila á Vellinum og dúlla okkur til að drepa tímann, fórum meira að segja í stutt sólbað úti á grasbala! En vinkona mín í afgreiðsluborði Iceland Express klikkaði ekki frekar en fyrri daginn og rukkaði mig að sjálfsögðu um yfirvigt!! Í þetta sinn voru það bara 6 kíló sem við vorum með saman umfram leyfilega þyngd og hún rukkaði okkur bara um fjögur... hvílík góðmennska í einni sál! Þetta fór nú samt ekkert hrikalega vel í okkur og eftir mikið dæst og púst fórum við bara á barinn og héldum upp á síðasta kvöldið í fríinu okkar.

Við komum svo heim seint að kvöldi og vorum orðin rúmlega þreytt og höfum bara verið að ná okkur niður á jörðina síðan eftir allt þetta ferðalag. Er ekki enn byrjuð á ritgerðinni... en nú er komin helgi og ég er komin í helgarfrí!!!

Skemmtiferð til Blackpool

2005-05-25T20:30:00.000+01:00

Fórum í dagsferð í gær til Blackpool, sem er strandbær rétt hjá Manchester. Planið var semsagt að gera eitthvað skemmtilegt eftir prófin mín, en þar sem það er svo dýrt að fara í kósý helgarferð út á land ákváðum við að taka bara heilan dag í skemmtiferð. Blackpool er lítill bær fullur af skemmtigörðum og spilavítum. Þar er gata sem gæti kallast litla Vegas, og við skelltum okkur auðvitað inn á einn staðinn. Klukkan var hálf ellefu um morgun og það var sorglega mikið af fólki þarna inni – yfirleitt eldra fólk eða fólk sem má minna mega sín – og allir voru að spila í kössunum. Við vorum þarna inni í ca. hálftíma, eða á meðan fötin okkar voru að þorna (því við lentum auðvitað í rigningu sem kom og fór allan daginn), og fórum í þythokkí til að gera eitthvað. Þetta var nú ekki bara rigning heldur líka úði, þannig að regnhlíf gerir ekkert voðalega mikið gagn fyrir buxurnar og skóna. Frekar fúlt að fara á svona stað í rigningu, en svona er lífið. Ég er nokkuð viss um að á sumrin, í sól og hita, þá sé þessi staður miklu skemmtilegri og fallegri, en í gær var þungskýjað og rok og sjórinn var brúnn og slepjulegur. Flestar búllur voru líka lokaðar og greinilegt að aðal ferðatíminn er ekki byrjaður. Við ætluðum líka að kíkja í dýragarðinn og í einhvern voða flottan garð en hættum við út af veðrinu.

Við eyddum svo restinni af deginum í garði sem heitir Pleasure Beach, sem er nokkuð stór garður eða tívolí með rússíbönum og fullt af tækjum. Ég fór meira að segja í stærsta rússíbanann sem fór um allan garðinn, og fer mjööög hátt upp. Ég er sko lofthrædd og er því svakalega stolt af mér:-) Þorði sko ekki í tvö tæki sem Helgi þurfti að far einn í. Um kvöldið fórum við á Kabarett sýningu sem var nú eiginlega ekkert spes, en var innifalin í miðaverðinu þannig að auðvitað nýttum við okkur það. Eftir pizzu og pasta á veitingastað tókum við síðustu lestina heim og vorum frekar þreytt eftir daginn.

Í dag koma svo foreldrar Helga, en fyrst þurfti ég auðvitað að skreppa einu sinni enn til London, til að hitta leiðbeinanda minn fyrir ritgerðina. Hef bara alls ekki komið mér í það að byrja að hugsa um þetta síðasta verk í masternum. Ég á til dæmis rosalega erfitt með að finna upp viðfangsefni fyrir ritgerðir, og tilgangurinn með því að hitta hann er að njörva niður hvað ég ætla að skrifa um því einhvern tímann verð ég að byrja. Ég er svo fegin að vera búin að þessu því núna get ég loksins byrjað að allavega spá í því hvað nákvæmlega ég ætla að skrifa og hvernig! Ég ætla semsagt að skoða hvernig fyrirtæki í ákveðnum bransa á Íslandi eru að sjá til þess að starfsmenn þess fari eftir reglum um viðkvæmar upplýsingar. Byrja samt ekki að vinna í henni fyrr en eftir BarcelonaJ

Frí

2005-05-23T11:08:00.000+01:00

Nú er lífið loksins farið að komast í réttar skorður á ný. Búin í prófum og búin að rasa út eftir próflokin...

Ég kláraði semsagt síðasta prófið mitt á föstudaginn og tók bara hálfan dag í frí í London. Spásseraði um í sólinni og verslaði nú reyndar eitthvað lítið. Þar sem ég tók lestina fram og til baka þennan dag þurfti ég að vakna frekar snemma þennan morgun, eða kl. 5, og sofnaði því fyrir ellefu fréttir um kvöldið! Á laugardaginn horfðum við á úrslitaleikinn Man.United vs. Arsenal og var stemmningin hér rosalega góð... þangað til Arsenal vann. Fannst nú þeir ekki eiga skilið að vinna þó ég hafi haldið með þeim því United var miklu miklu betri í leiknum. En svona er þetta og þá þurfti fólk hér að drekkja sorgum sínum. Heppilegt að Helgi hélt Eurovision partý og var ótrúlega stillt lið mætt til að fylgjast með sínu landi. Grikkirnir hér tóku þessu öllu með ró og svo virðist sem Eurovision jaðri ekki við trúarbrögð í öðrum löndum en á Íslandi. Viðbrögðin við því að Bretland fékk voðalega fá stig eitthvað voru mjög lítil og fólki stóð slétt á sama! Skrítið...

Við létum svo verða af því í gær og fórum að sjá Stjörnustríð, bara til að vera eins og allir hinir. Fínt að vera búin að þessu, fannst þessi mynd skárri en síðasta mynd samt. En já svona byrjar fríið mitt, rólegheit og kannski soldið verið að fá sér gott að borða... Á morgun förum við til Blackpool, sem er víst skítugasti bærinn hér í Englandi. Þar er víst stór stór skemmtigarður og ekkert annað að sjá... merkilegt, en við ætlum í einhvern rússíbana og svoleiðis. Sjáum til hvernig veðrið verður... Svo ætlum við að taka túristahring í lok vikunnar þegar foreldrar Helga koma í heimsókn. Það er svosem ekkert rosalega mikið að sjá hér, nema risastórar verslunarmiðstöðvar. Á þriðjudaginn næsta förum við svo til Liverpool og ætlum að taka smá túristahring þar áður en við höldum af stað til Barcelona.

Læti í Manchester!

2005-05-17T10:03:00.000+01:00

Ég fékk ekki langa helgi í gær! Fattaði það seint í gærkvöldi að það var annar í Hvítasunnu og þess vegna var enginn á MSN!! Skyldi ekkert í því... jæja en ég vaknaði þess í stað snemma og fór í ræktina! Lærði svo til sex og fór snemma að sofa til að ná upp svefni. En viti menn, það var eitthvað mikið um að vera í Manchester í gær og ég vaknaði bara við læti og óeirðir í nótt. Held að allir séu brjálaðir út af þessum Ameríkana sem er að kaupa Man. United... og það er búist við óeirðum á leik á laugardaginn sem verður því miður ekki hér. Það væri nú gaman að bæta því í reynslubankann; að fylgjast með óeirðum. Reyni bara að horfa á leikinn á næstu krá og halda með mínu liði!

Þessi vika ætlar að verða mjööög lengi að líða því ég er bara að bíða eftir prófinu á föstudaginn. Efnið er líka leiðinlegt (þ.e. tæknilegt, um hönnun á upplýsingakerfum) þannig að ekki skánar það.

Ég keypti svoleiðis köttinn í sekknum þegar ég ákvað að fara til Bretlands í “sólina”! Það er búið að vera skítkalt (líka á þeirra mælikvarða) og rigning og sést ekki til sólar núna. Fengum reyndar gott veður um helgina en ég held að veðurguðirnir séu að spara sólina fyrir sumarið, þegar ég verð ekki hérna. Frekar fúlt... en jú auðvitað er miklu auðveldara að vera inni á bókasafni í svona veðri heldur en í sól og sumaryl...

En já áfram að læra...

Kapphlaup við tímann - bara eitt próf eftir!

2005-05-14T12:40:00.000+01:00

Þrjú próf búin og bara eitt eftir!!!

Ég er búin að vera mjög iðin við bækurnar hér í Manchester. Les og les og les og vakna snemma til að læra. Fór í próf á þriðjudaginn og tók daginn snemma í lestinni á milli Man. og Lon. Ég ákvað af gefinni reynslu að fá mér annað hótel (var búin að bóka "sama" hótelið aftur en hætti við það) og ég skal segja ykkur það að verðið segir ekkert um gæðin! Ég gisti á fínu þriggja stjörnu hóteli í Notting Hill (var meira að segja ein í þriggja manna herbergi með stórum svölum og útsýni yfir garðinn) fyrir sama verð og ég borgaði fyrir ógeðið sem ég gisti á fyrir helgi!! Reyndar var maturinn ekkert svaðalega góður og örbylgjupizzan sem ég fékk á veitingastaðnum á hótelinu fær ekki góða dóma. En þetta hafðist allt og ég tók leiðinlegasta próf í langan tíma á þriðjudaginn, hoppaði svo aftur á hótelið og lærði og lærði og lærði allan miðvikudaginn. Þangað til um kvöldið, þá byrjaði Desperate Housewives. Já það er sko mikið búið að gerast síðan ég sá þetta síðast og geðshræringin var mikil hjá mér! Erfitt að halda í við þetta lið. Svo fór ég í próf á fimmtudaginn sem var reyndar mjög erfitt, en þar sem efnið er skemmtilegt þá var það bara gaman. Eftir prófið tók við kapphlaup við tímann því ég hafði eitthvað misreiknað mig hvað það tæki langan tíma að fara aftur á hótelið og ná í dótið mitt og svo upp á lestarstöð (ég þurfti auðvitað að kíkja með krökkunum á pöbbinn eftir prófið, lái mér hver sem vill!). Ég bókstaflega hljóp upp tröppurnar á lestarstöðinni, rakst utan í fólk og ég veit ekki hvað og hvað. Taskan mín var eitthvað þyngri en mig minnti...
Þetta var eins og gerist í bíómyndunum, ég hljóp út á lestarpallinn og stökk inn í lestina um það leiti sem hún rann af stað! Gekk svo kófsveitt og þreytt í gegnum vagnana til að finna sæti og var bara lengi að jafna mig! Ef ekki hefði verið fyrir óþægileg sæti í lestinni þá hefði ég sofið alla leiðina til Man. en í staðinn horfði ég bara á teiknimynd í tölvunni minni.

Ég ákvað því eftir löng og erfið próf og mikla þrekraun að taka mér frí í gær og við Helgi fórum í góðan labbitúr meðfram síkjunum. Ég fékk meira að segja smá lit! (eða brann á bringunni) og við stoppuðum nokkrum sinnum til að prófa pöbbana á leiðinni. Í gærkvöldi fórum við svo á frægan bar þar sem soldið sérstakir þættir voru teknir upp hér um árið, Queer as Folk... það er reyndar alltaf eins og það sé karnival á hommagötunni sem er hérna rétt hjá. Alltaf geðveik stemmning og fullt af klæðskiptingum og allir mjög hamingjusamir. Skrautlegur dagur semsagt og ég svaf vært í nótt eftir kærkomið frí!

En núna tekur alvaran við og ég þarf að byrja að læra fyrir næsta próf sem verður á föstudaginn 20. maí.... get ekki beðið eftir að klára þetta!

Eitt próf búið!

2005-05-06T21:32:00.000+01:00

Jæja skvísan komin til London og allt á fullu! Var nú eitthvað hrædd um að lenda ekki á réttum flugvelli svona daginn fyrir próf, en það gekk allt upp og mín komst á mettíma á leiðarenda. Þessar elskur í flugfreyjunni töldu okkur farþegana eitthvað vitlaust og lögðu mikið á sig til að tékka á því hvort það væri nokkur í vélinni með bókað far með Flugleiðum en ekki Iceland Express. Ekki nóg með það, heldur var “traktorinn” fastur á vélinni (ekki spyrja mig) þannig að hún komst ekki frá flugstöðinni... eitthvað verið að reyna að stoppa mann í að fara til London?

Ég var loksins komin upp á hótelið klukkan hálf tíu, bara til að komast að því að lagnirnar í herberginu sem ég hafði bókað á þriggjastjörnuhótelinumeðmorgunmatogþjónustu, höfðu sprungið og þar sem kosningarnar voru þennan dag var allt uppbókað á hótelunum í kring! Þeim tókst samt að redda mér gistingu á frekar glötuðu hálfrarstjörnuhóteliánallrahúsgagnaogsnyrtingar á spottprís. Æ þetta var nú hálf sjabbí skal ég segja ykkur, og litla kompan sem ég fékk var á þriðju hæð (á 4. hæð miðað við okkur), og vantaði meira að segja ljósaperur, ofninn var fastur á fullum hita, og glugginn hélst ekki opinn! Hótelkallinn sagðist ætla að skreppa niður og redda ljósinu og ég beið því uppi í myrkrinu á meðan. Beið og beið og enginn kom, þannig að þegar ég fór niður að tékka á kauða þá hafði hann læst sig úti þegar hann skrapp út í búð til að kaupa perur! Já auðvitað hleypti ég honum inn (hehe, var nú að spá í að nýta mér aðstöðuna og gera einhvern skandal en það voru bara engir möguleikar í boði, ekkert hægt að gera af sérL) og fór svo út að versla í matinn. Þeir mega nú eiga það greyin að þeir vöknuðu snemma og elduðu fyrir mig morgunmat. Ja, eitthvað svoleiðis, og ég borðaði nú ekki mjög mikið.

Æ þetta var algjört svekkelsi, ætlaði að horfa á sjónvarpið, fara í sturtu og læra fyrir svefninn, sjónvarps- og sturtulaus fór ég bara snemma að sofa og reyndi að gera gott úr þessu. Svaf nú eitthvað lítið samt og hef nú alveg staðið mig betur á prófi en er fegin að fyrsta skrefið er búið! Misreiknaði mig eitthvað tímalega séð og var orðin heldur skáldleg í lokin (talaði um að tæknin þurfi að þróast soldið áður en við getum búið á tunglinu!) en það gerist vonandi ekki aftur. Nú er bara lagt af stað til Manchester og tekið frí í kvöld, líka tími til kominn til að smakka rauðvínið!

Síðasti dagurinn á bókasafninu...

2005-05-04T10:45:00.000+01:00

...EVER!! Þetta hélt ég líka þegar ég var í lokaprófum í BS náminu hér í HR. Núna er mér alvara, verð bara búin að læra eftir þetta nám. Held ég... Nema ég fari í háskólanám með vinnu og læri forritun... hver veit? En þetta er a.m.k. síðasti dagurinn minn á bókasafninu að læra undir próf í bili!

Ég fer nebbla út á morgun, út í "sól" og allavega hita og mengun og konsingabrjálæðið í London. Ætli það verði kosningavaka? Kannski þess vegna sem prófið byrjar ekki fyrr en hálfþrjú á föstudaginn... Ég verð allavega komin snemma í háttinn annaðkvöld svo ég verði nú úthvíld í prófinu. Hvernig er þotuþreyta skilgreind annars? æveidiggi hvort það eigi nokkuð eftir að hrjá mig.

Ég bið ykkur öllsömul því vel að lifa á meðan ég er þarna úti og veit að þið hugsið vel til mín í þessum þrekraunum. Geri mitt besta til að skrifa hér eitthvað en lofa engu. Við sameinumst svo öll við sjónvarpsskjána til að horfa á Selmu vinna júróvisjón! Hehehe

Af hverju er svona kalt úti?

2005-05-02T10:21:00.000+01:00

Nú var Helgi að fara aftur til útlanda í morgun. Ég skutlaðist með hann klukkan sjö í morgun og sé helv... mikið eftir því að hafa ekki bara skellt mér með honum! Já hvílík vitleysa að fara á fimmtudaginn til London, daginn fyrir fyrsta prófið. Ég hef nottla ekki góða reynslu af því að fara til London daginn fyrir próf, síðast lenti ég í Manchester og rétt náði í prófið næsta morgun klukkan níu, ósofin og svöng... þetta var kannski soldið vanhugsað hjá mér. Svo er auðvitað orðið skítkalt hérna aftur en um 20° í London! Eins gott að ég nái nú að læra mikið þessa síðustu daga hér. Sé ekki fram á að eiga neitt líf næstu daga og kvöld:-(

Síðasta vika var heldur betur róleg, ekkert skroppið neitt af viti, nema á kaffihús með ÖnnuSilluPæju, og svo fór ég í bíó um helgina. Hefði nú alveg getað sleppt því en það var nú samt ágætt að komast aðeins út úr húsi. Við keyrðum reyndar framhjá heitapottinum sem var verið að setja hjá blokkinni minni, já og sundlauginni líka. Þetta lítur vel út og ég er stolt af Kópavogsbæ fyrir að gefa mér eina sundlaug í bakgarðinum. Verst að það er svo dýrt að fara í laugina mína, þarf eitthvað að ræða við bæjarstjórann.

Jú auðvitað kíkti ég á litlu frænkuna mína, sem er nú aðeins farin að láta heyra í sér. Það má bara ekkert gera, hún fer bara að grenja! Sérstaklega þegar ég held á henni, humm... Eru þetta skilaboð?

En nú er það ljóst að á þessum 4-5 vikum sem ég hef verið hér, þá tók ég ekki þátt í neinu einasta djammi! Þ.e. fór ekkert niður í bæ að skemmta mér, en djammaði nú soldið í Akurgerðinu með mömmu og pabba. Yatzy teningar og gott veður er í rauninni allt sem þarf! Ætli ég taki ekki Yatzy með mér út?

Get ekki beðið eftir að komast aftur út í hlýjuna og klára þessi bévítans próf!

Rúmið mitt, loksins...

2005-04-24T23:55:00.000+01:00

Það jókst nú aldeilis fjörið á minni í síðustu viku, þegar ég fór í saumó eftir saumó eftir saumó! Eða eitthvað svoleiðis. Ég kíkti á djellurnar úr HR á miðvikudagskvöldið úti í sveit, nánar tiltekið í Hafnarfirði, og fengum við slædsjóv frá Guðrúnu Mörtu eftir heimsreisuna miklu. Næsti áfangastaður minn (eftir námið auðvitað) verður nýja sjáland! Myndirnar þaðan og sögurnar seldu mér allavega ferðalagið þangað.

Sumardaginn fyrsta fór ég svo í dýrindis matarboð hjá Helgu Thoroddsen, sem býr á rosalega flottum útsýnisstað í Firðinum. Við rifjuðum upp góða daga í London og komumst að því að þó það séu forréttindi að fá að vera þar, þá er best að búa á eldgamla Íslandi.

Þess má geta að Mæju brjáluðu tókst að fara upp á Hnjúkinn í síðustu viku og var komin aftur í vinnuna nokkrum tímum síðar! Hún er sko kona í krapinu og GEKK ALLA LEIÐ UPP!! en það gera sko ekki allir. Held Mæja ofurpæja hafi tekið því rólega um helgina og leyft greyið lærunum að jafna sig.

Jæja svo kom auðvitað Helgi frá útlöndum og við ætluðum að hafa það svoooo næs um helgina, slappa af og ná upp þessum fjóru vikum sem við höfum ekki sést. En þá var karlinn bara kominn með hita og flensuskít og hefur ekki verið til stórræða síðan hann kom. Fórum einmitt upp á læknavakt áðan og hann fékk allskonar stera og hóstamixtúrur svo hann verði góður á fundinum á morgun, en fundir í vikunni eru einmitt ástæðan fyrir því að hann er hér (og auðvitað ég!). Þetta hefur því verið aðeins rólegri helgi en ég ætlaði mér, og ég lærði meira að segja á meðan hann svaf, greyið. Þar sem þetta er flensa þá er hann jafnvel ennþá að smita og ég ennþá í smithættu. Ég gat valið um það að sofa í rúminu mínu (sem mig hefur dreymt um síðustu 4 mánuði) og eiga á hættu að smitast, eða að sofa heima í Akurgerðinu og smitast síður. Call me crazy, en ég valdi fyrri kostinn, og hlakka til að sofa í yndislegu rúminu með stóru sængina. En þetta þýðir að hvorki ég né Helgi getum kíkt á lítil kríli í vikunni, a.m.k. ekki fyrr en allir eru orðnir frískir hér. Já, svo er litli frændi hans Helga nýkominn með hlaupabóluna og ég hef ekki hugmynd um hvernig það smitast á milli. Best að halda sig heima...

Akkúrat ekkert að gerast

2005-04-20T09:44:00.000+01:00

Það er eiginlega sorglegt hvað ég er komin inn í marga sjónvarpsþætti hér. Ekki bara út af því að ég á eftir að missa af þessu öllu saman þegar ég fer út (og ef þeir eru sýndir úti þá eru þáttaraðirnar komnar miklu lengra þar), heldur líka því ég á ekkert líf! Það er hreinlega svo mikið að gera hjá öllum að sjónvarpið er minn helsti félagsskapur. Já nema hvað, nú kemur Helgi um helgina (haha!) og þá fæ ég nú betri félagsskap, en þá loksins fer að róast hjá vinkonunum og þær fara að hafa tíma fyrir mig. Þar að auki fer að styttast í þessi blessuðu próf og ekki mikið hægt að djamma eða fara út á kvöldin þegar maður á að vera að læra... úff...

Ég hélt minn fyrsta saumaklúbb í gær á árinu! Eða öllu heldur ég og Mæja, því hún bauð allranáðarsamlegast fram íbúðina sína og við skelltum köku í ofninn og buðum vinkonum heim. Svava "mamma" kom með glænýja meðliminn, hann lillamann, og við skiptumst sko allar á að vera í mömmó smá stund, þar til þurfti að skipta á honum og hann var þyrstur. Jemm, held við fundum okkur allar í móðurhlutverkinu... þangað til við þurftum á Svövu að halda. Það er nú soldið gaman að fylgjast með Halladóttur og Svövusyni því það eru ca. 10 dagar á milli þeirra.

"Brjálaða" Mæja vinkona getur ekki setið kjurr og ætlar að skokka upp á Hvannadalshnjúk á morgun! Munar bara ekkert um það að reyna soldið á sig sko, þetta er nottla bara dagsferð sko og voðalega fallegt þarna uppi. Ég læt mér nægja hins vegar að mæta í ræktina á morgnana klukkan sex(!) og hreyfa mig. Svo missi ég auðvitað "allt" þolið og "alla" vöðvana niður úti því þar mun ég ekki hreyfa mig mikið, nema inn og úr lestinni á milli London og Manchester. Ehemm, hlakka samt til að fara til Barcelona í júní og ætla að láta mig hafa það að spranga um á ströndinni í bikiníi!

Á morgun kemur sumarið, ekki leiðinlegt það, og ég ætla svei mér þá að sofa aðeins út:-)

Enn á lífi...

2005-04-08T13:40:00.000+01:00

... en nettengingin er eitthvað stopul hjá mér. Gerði til dæmis þau mistök í gær að fara í Hreyfingu eldsnemma og var því ekki komin upp í skóla til að læra fyrr en rúmlega tíu. Þá var bara allt lesrýmið yfirfullt af brjáluðum HR-ingum að læra og læra og ég hrökklaðist yfir á Hlöðuna við Hringbraut. Þar er allt svo stórt og ópersónulegt að ég þori nottla ekki að skilja gripinn (þ.e. tölvuna) eftir aleina og tók hana bara memm á klóstið. Og í hádegismat, og í kaffipásu. Soldið bögg að dröslast með tölvuna í eftirdragi allan daginn. Í þokkabót var enginn þar sem ég þekki og því er ekki mikill hvati til að sitja lengi í mat eða kaffipásum. Þurfti því að læra mestallan daginn. Og aftur í þokkabót þá var ekkert netsamband fyrir þá sem eru ekki í HÍ og því var ég ennþá meira einmana...

Áfram með smjörið, ég ákvað að fara bara ekkert í leikfimi í morgun heldur fór ég beinustu leið upp í HR og fékk mér sæti við gluggann, útsýni yfir Kringluna. Allt annað líf, hér get ég kíkt á póstinn og prentað út meira að segja (er allavega með fullan prentkvóta hér, skrítið).

Lífið er ekki fullkomið því ég virðist eitthvað detta út af netinu af og til, skil þetta ekki. Þetta stopula internet samband veldur því að ég veit ekkert hvar Karlinn minn er, hvort hann er ennþá í Englandi eða bara á flakki um heiminn! Heppin ef ég heyri í honum annan hvern dag.

Ég er alveg til í saumaklúbba, stelpur, ef einhver vill bjóða mér heim...? Það eru bara allir svo uppteknir (við að eignast börn, vinna o.fl.) að ég er búin að hanga heima flest kvöld fyrir framan sjónvarpið. Sé til dæmis fram á mjög rólega helgi (já, aftur) fyrir framan sjónvarpið heima. Kaupi mér kannski eins og eina rauðvín í Ríkinu til að fá útlandastemmninguna aftur, hver veit?

Reyndar gerði ég mér dagamun í gærkvöldi og fór að heimasækja bróður minn og co. í Gullsmáranum og nýja barnið þeirra, hana Lillu. Hún er þæg og góð með einsdæmum og kann ekki að gráta, greyið. Svo sefur hún svo fast að hún tók ekki eftir því þegar bæklunarlæknirinn skoðaði lappirnar á henni í gær. Það kom svo í ljós hjá lækninum að greyið þarf að hafa spelkur í nokkrar vikur því mjaðmaliðurinn öðrum megin er ekki alveg genginn inn... Stóra systir hennar þurfti líka spelkur en mun lengur og það atvik var víst verra en þetta. Æ, en samt alltaf leiðinlegt þegar svona kríli þurfa eitthvað svona.

03.04.05 strákur

2005-04-04T14:15:00.000+01:00

Svövu tókst ætlunarverkið og átti strák í gærkvöldi klukkan rúmlega ellefu. Þetta var draumurinn, að eiga 3/4/5, mjög sniðugt. Gæinn er 16 merkur og 51 cm og báðum heilsast vel.

"Innilega til hamingju með fjölskylduna, drengsi! og til hamingju líka Svava og fjölskylda. Hlakka til að sjá krógann."

Annars er ekkert að frétta af mér því ég er bara að læra og á ekkert líf. Ætla að byrja fljótlega að sækja um vinnu... hlakka ekki til!

Byrjuð að læra

2005-04-01T14:35:00.000+01:00

Er komin heim og byrjuð að læra eftir smá hlé. Skilaði ritgerðunum í gær (vúhú) og er búin að afgreiða einn og hálfan kúrs!

Þetta var nú aldeilis dýrt ferðalag heim. Auðvitað þurfti ég að borga yfirvigt, því að stóra rauða ferðataskan var yfirfull. Helv... dúkkan tók eftir að ég var líka með flugfreyjutösku og þurfti endilega að vigta hana. Þurfti að borga fyrir 10 af þeim 15 kílóum sem hún vó. Og viti menn, auðvitað er búið að hækka gjaldið fyrir yfirvigtina frá því í desember, úr 5 pundum í 8 pund fyrir hvert kíló. Þetta var því dýr innritun, borgaði um 140 pund aukalega, en auðvitað kostaði flugið mitt bara helminginn af því! Þar fór það, ætlaði að kaupa mér eitthvað fallegt á flugvellinum en fór beint á barinn í staðinn og drekkti (drakk!) sorgum mínum. Þess má geta að fartölvutaskan á bakinu mínu var líka vigtuð og vó farangurinn allur um fimmtíu kíló! Já, svo er ennþá heilmikið af dótinu mínu hjá honum Helga ennþá, sem hann þykist ætla að koma með heim í apríl. Held við verðum að skoða möguleikann á að senda tösku sjóleiðis næst... Þetta er kannski ekkert skrítið miðað við að þetta var "allt" draslið mitt.

Ég var næstum því búin að gleyma hvað það vorar seint hér, ennþá kalt og frost á bílnum í morgun. Brrr... Já ég fékk lánaðan bílinn hjá stóra bróður mínum á meðan hann er í fæðingarorlofi, svo ég er ekki lengur fótgangandi. Er líka byrjuð að æfa á fullu í Hreyfingu og er staðráðin í að koma mér í form fyrir sumarfríið mitt. Reyndar er ætlunin ekki að vera á ströndinni allan tímann (afsökun fyrir að fá mér gotterí á morgun), heldur að skoða og labba og taka myndir af Barcelona. En það er samt skemmtilegra að vera, ja aðeins minna "myndarleg" en ég er núna.

Svava vinkona ekki enn búin að eiga síðast þegar ég vissi, enda er planið að bíða þangað til á sunnudaginn, 03.04.05, flottasta kennitala í heimi. Vona að strákurinn hlýði og komi ekki fyrr í heiminn.

Lítil frænka komin í heiminn!

2005-03-23T13:03:00.000+01:00

Tvö blogg á dag?
Já því Anna og Halli voru að eignast stelpu í morgun! Sú var tekin með keisara og er 3600 gr.

Til hamingju með dömuna!

Engar fréttir

2005-03-23T08:55:00.000+01:00

Við Helgi fórum á Nando´s uppáhaldskjúklingastaðinn minn í gær! Jafnvel ennbetri en áður, smjatt. Drakk svo bara kók með en ekki rauðvín, í fyrsta skiptið í örugglega viku og það var ágætis tilbreyting, svaf allavega vel í nótt. Þetta á eftir að verða mikil breyting fyrir mig að koma heim í rauðvínsleysið! Hlýtur að reddast samt. Eftir matinn fórum við í bíó (muniði, svo ódýrt í bíó í Manchester) og sáum Keanu leika Constantine. Bjóst ekki við miklu en myndin var alveg ágætis afþreying, ef þið hafið ekkert annað að gera. Komst að því að hann Keanu vinur minn er bara alls ekki góður leikari! Sjokk...

Anna Steinunn mágkona er ekki ennþá búin að eiga, greyið. Verður sett af stað í næstu viku ef ekkert gerist. Hún verður kannski á sama tíma og Svava... hver veit!

Já þetta er svona fréttalaust skeyti í dag en ég nenni ekki að byrja að læra alveg strax (ég á langan dag fyrir höndum).

þangað til næst...

Flutt frá London!

2005-03-19T12:05:00.000+01:00

Skrítið að vera búin að pakka öllu draslinu niður í tvær ÞUNGAR ferðatöskur og skilja ekkert eftir í London. Bý nú í ferðatöskum í Manchester í 10 daga - kveðja kallinn og klára ritgerðirnar. Bjóst nú ekki við að komast á lestarstöðina með þessi ferlíki, en með góðri hjálp tókst þetta. Guði sé lof fyrir vagna! Keypti óvart miða á fyrsta farrými og kerlurnar á borðinu sem ég sat við pöntuðu alltaf meira og meira af rauðvíni (frítt auðvitað) og þar sem það var St. Patrick´s day, þá varð ég bara að fá mér líka... fór allavega vel um mig á leiðinni hingað til Helga.

Þessir 7 mánuðir hafa liðið ótrúlega fljótt og nú fer ég að flytja aftur heim, í ferðatösku samt. Engar mýs, heitt vatn í sturtunni (hitarinn er að bila og það tekur klukkutíma að fara í heita sturtu!), engar rakaskemmdir í eldhúsinu (veggurinn er að hrynja inn út af lekri þvottavél á efri hæðinni), ekkert brak í gömlum gólffjölum með músarholum í, ekki bilað sjónvarp (lækkar sig sjálfkrafa)... Sniff, á nú eftir að sakna London samt sem áður!

Reyndar er ég búin að skemma rafhlöðuna í fartölvunni – eða eitthvað, en það er allavega bilað og hleður sig ekki. Það er ekki alltaf gaman að vera Hugrún... hef fylgst náið með ferlinu sem tekur brunasár að gróa, mjög áhugavert. Skrítið hvað þetta er lítið sárt nema fyrst, svo bara óþægindi.

Ég kem heim á laugardagskvöldi fyrir páska og flyt í eld gamla herbergið mitt hjá mömmu og pabba, herbergið sem ég var í fyrir fermingu. Besta herbergið til að læra í samt. Fæ svo aðstöðu á bókasafninu í HR til að læra þannig að mín verður bara á gönguskónum allan apríl. Fyrsta prófið mitt er 6. maí og ég kem aftur til London þann 5., verð svo á ferð og flugi á milli London og Manchester til 20. maí, þá er síðasta prófið. Verð hjá Helga þangað til í lok maí þegar við förum til Barcelona í viku:-) Það er það eina sem heldur mér á lífi þessa dagana... og auðvitað að koma heim til Íslands.

Endaspretturinn

2005-03-12T08:40:00.000+01:00

Síðasti laugardagurinn minn í London og hvað er ég að gera í dag? Ég er að læra. Sit yfir bókunum í allan dag og ef ég er heppin þá kemst ég kannski eitthvert til að hitta annað fólk í kvöld. Er nefnilega ein í kotinu og hef ekki hitt annað fólk síðan á fimmtudaginn!

Er búin að brenna mig á því að vera of kalt! Hitapokinn minn hefur verið mikið notaður en þegar ég var að hella í hann sjóðandi vatni á þriðjudaginn, og horfa um leið á CSI, þá spýtti pokinn sjóðandi vatninu upp aftur og það fór yfir hendina á mér. Er með brunasár á hendinni, mjög merkilegt í laginu. Brann nottla þar sem vatnið rann eftir hendinni, gusur hér og þar sjást... fyndið. Veit samt ekki alveg hvað þetta á að vera lengi að gróa en núna er eitt svæðið alveg óbreytt frá því á þriðjudaginn. Svo er ein brunablaðran að stækka... skil ekki alveg hvernig þetta virkar. Sem betur fer hindrar þetta ekki lengur að ég skrifi ritgerðirnar mínar - annars væri ég í djúpum...

Tíminn er ótrúlega fljótur að líða og á morgun er mágkona mín sett að eiga barn númer tvö. Anna mín ég vona að þér gangi vel, hvenær sem þetta verður!
Svo eru sautján dagar í að Svava eigi að eiga... það verður sko líf og fjör hjá mér í vor við að heimsækja þessa grislinga.

Ég er orðin hrikalega ódugleg við að finna tíma til að skrifa hér inn (það gerist hvort sem er ekki neitt nema svona smá slys) og sé eiginlega ekki fram á að það breytist. Geri mitt besta... Kem svo heim um páskana!

- Yfir og út -

Menn og mýs

2005-03-01T19:03:00.000+01:00

Já, það er aftur orðið hlýtt hér. Hlýrra en á Íslandi a.m.k. en það er kannski ekki svo gott því það er innan við mánuður þangað til ég kem heim. Er loksins komin í gang í viku 8 í skólanum!! Sit sveitt allan daginn við að skrifa ritgerðir, leita að heimildum og lesa. Markmiðið er nottla að klára þær áður en ég kem heim svo ég geti nú slappað aðeins af og jafnvel haldið saumó.

Helgin með Helga var mjög fín, við fórum út að borða á laugardaginn og slöppuðum bara mest af. Enda er þetta síðasti séns til að hafa rómó stund í langan tíma, næst verður pláss fyrir rómó í maí! En ég er nú ekkert að örvænta því tíminn er mjög fljótur að líða.

Músarkallinn kom í dag og eitraði fyrir músunum. Það versta er að hann kemur næst eftir tvær vikur (já tveim dögum áður en ég flyt héðan út!) og þá hyrðir hann “líkin” af músunum sem hafa þá vonandi drepist í gildrunum. Þetta eru nebbla litlir kassar með holu á og þar inni er eitur með lokkandi lykt og mýsnar skríða þar inn og drepast. Kannski of miklar upplýsingar? Ég kvíði allavega mest fyrir að sjá rófuskott út úr kassanum við náttborðið mitt!!! Held nefnilega að mýsnar búi í gólfinu í herberginu mínu, allavega er nóg af holum og götum. Ég prísi mig sæla fyrir að hafa ekki séð neina mús í eigin persónu ennþá.

Það var frekar nett á föstudagskvöldið þegar við vorum að horfa á sjónvarpið (en ekki hvað?). Þá var bara verið að sýna Nóa Albinóa með enskum texta, híhí, og ég þurfti auðvitað að horfa soldið á þessa ekki-svo-skemmtilegu mynd. Já ef Bretinn hefur gaman af þessu þá er hann skrítinn!

Er þegar byrjuð að huga að ráðum til að farga draslinu sem ég hef sankað að mér, t.d. skrifborðinu, stólnum og lampanum. Þetta er of ódýrt og fyrirferðamikið til að taka með heim. Einhverjar hugmyndir?

Úff, sé fram á miklar læringar á næstunni og litlar bloggingar, enda verður örugglega ekkert fréttnæmt héðan næstu daga og nætur.

Komin aftur á netið

2005-02-26T10:33:00.000+01:00

Loksins er ég búin að fá snúruna í fartölvuna! Hef verið snúrulaus í tvær vikur síðan ég gleymdi henni hjá Helga, og hef því verið háð því að fá lánaðar snúrur hjá öðrum. Það er afsökun mín fyrir að hafa ekki verið mjög dugleg hér!

Við mamma og pabbi fórum í túristaleik á sunnudaginn og svo aftur að versla á mánudaginn. Ætluðum á hrikalega góðan veitingastað um kvöldið (ég búin að hlakka svooo til í nokkrar vikur) en fengum ekki borðL Fundum hins vegar annan ægilega góðan stað og borðuðum rosalega góðan mat þar. Mjög ánægð með lífið þá. Nema hvað það byrjaði að snjóa hér og við vorum pínku smeyk við að það yrði ekki flogið heim daginn eftir (þar sem Bretar virðast ekki þora að nota flugvellina ef það er smá snjókoma). Sem betur fer gekk allt upp og settið komst heim á þriðjudaginn. Það hefur hins vegar snjóað hér af og til í marga daga og það er búið að vera frekar kalt í þokkabót. Hef því reynt að halda mig inni og lært.

Nú er komið í ljós að það verður pottþétt eitrað fyrir músunum, vúhú! Ekki bara hér heldur í öllu húsinu, þannig að við hljótum að losna við blessaðar mýsnar. Jæja það væri betra ef þetta losaði mig líka við skordýr því ég sá risastóra pöddu á stofugólfinu um daginn! Eins og stór býfluga og hún skreið letilega eftir gólfinu, örugglega slösuð eða eitthvað. Nú var Sigrún hetjan (ég bara lamaðist af hræðslu því ég veit ekkert hvað þessar pöddur geta) og ryksugaði pödduna upp. Æ ég er komin með alveg nóg af þessu og get ekki beðið, verð komin héðan út eftir tvær og hálfa viku!!!

Hvað er málið með kurteisina í þessum Bretum? Yfirleitt má maður varla rekast utan í nokkurn mann án þess að þurfa að signa sig og biðjast innilega afsökunar. En um daginn var ég í röð í apóteki og einhver kall ruddist fram fyrir mig. Ég nottla bara Skjús mí, ég var búin að bíða hér í röðinni... Þá sagði hann Já en ég er bara með þetta og var að tala við hjúkkuna... Og ég bara Já en ég er búin að bíða hér svo lengi og röðin er hér og ég er líka bara með þetta... Og allir í búðinni litu voðalega hissa á mig, hvað er hún að ybba sig? Ég get svarið það, var alveg í fullum rétti en þar sem ég er kona og ekki beint í bissness jakkafötum þá átti ég bara að gefa eftir og fara aftast í röðina. En ég auðvitað stóð á mínu, borgaði og hljóp út, mjög hissa.

Fór í skólann í gær á föstudegi í fyrsta skiptið í 5 vikur! Græddi lítið á því þar sem umræðuefnið var eitthvað leiðinlegt sem ég þarf ekki að vita, fór því bara heim, hehe. Verð nú samt að segja ykkur frá því að ég er komin vel af stað að læra og er að undirbúa mig fyrir að byrja á ritgerðunum mínum og er komin með ágætis hugmynd að mastersritgerð og er búin að tala við leiðbeinanda. Nú er málið sko deCode og gagnagrunnar og hakkarar, mjög áhugavert.

Nú er Helginn semsagt kominn í stutta helgarheimsókn, við ætlum því að taka okkur frí í dag og slaka á og horfa á Tellýið. Læra svo á morgun... svo fer hann aftur til Man annaðkvöld.

Fuuuullt búið að gera

2005-02-20T10:00:00.000+01:00

Ég er hrikalega fegin að mamma og pabbi eru hérna, veit ekki hvernig ég hefði farið að um daginn! Þá svaf ég í stofunni, sem liggur að eldhúsinu, og var búin að koma mér vel fyrir og svona. Vaknaði um miðja nótt við einhver læti, tíst og skelli og var voðalega ringluð eitthvað. Nottla fattaði ég ekkert hvað þetta var, hélt fyrst að þetta væru íkornar úti á pallinum að leika sér og ég reyndi bara að sofna aftur. Nema hvað þetta hætti ekki og eftir svona hálftíma ætlaði ég að tékka á þessu og reka íkornana í burtu. Þá rann það upp fyrir mér að það var músargildra í eldhúsinu og hljóðið barst þaðan! Já þetta er svona límspjald með ostalykt og mýsnar sækja í það og festast og þá á maður að drekkja þeim svo þær kveljist ekki. En hvað með mig? Hjartaáfall þegar ég fattaði þetta og ég hljóp inn til mömmu og vakti þau. Pabbi hetjan staulaðist á fætur, náði í músina og henti henni út. Við stóðum sko ekki í því að fara að drekkja henni eða eitthvað fyrst hún vakti okkur á svona óguðlegum tíma. Hún fékk því að fljúga niður af svölunum í garðinn hjá nágrönnunum og ég þakkaði guði fyrir að við Sigrún vorum ekki einar heima. Hefðum örugglega leitað til nágrannanna og beðið þá um að "afgreiða músina!"

Það er sko ekki tekið út með sældinni að hafa mýs hér. Leigusalinn vill ekki láta eitra fyrir þeim, sagði að það skapaði bara fleiri vandamál. Ég get ekki beðið eftir að flytja héðan eftir fjórar vikur og þá er þetta hennar vandamál!!! Þetta var þriðja músin sem við erum varar við á 2 mánuðum:-/ Don´t like this

Við famelían erum búin að labba og labba og versla. Áður en þau náðu að koma heim til mín af flugvellinum fórum við að versla og vorum með ferðatöskur í eftirdragi í stórri búð! Soldið sérstakt það sko. Fórum svo á Oxford Street og tókum tveggja hæða strætó eftir allri götunni. Þó ég hafi búið hér í tæpt hálft ár þá hafði ég aldrei prófað kjúklingastaðinn á horninu fyrr en núna um daginn með ma&pa. Þetta var alveg hriiikalega góður kjúklingur, svona grillaður piri piri, alveg eins og ég vil hafa hann. Mæli því hiklaust með að ferðalangar prófi Nando´s kjúlla. Við fórum í gær á markaði, á Portobello Road Market og Covent Garden Market. Verst hvað allt er dýrt hérna og við versluðum ekki mikið. En mikið djö... er kalt úti! Það er ekkert grín að labba og labba úti í þessum kulda. Við vorum orðin vel freðin þegar við komum inn. Ætlum því að hugsa málið með að skoða túristastaðina í dag eins og planað hafði verið. Gæti bara verið að við höldum okkur inni í þessum kulda!

Ethan Hawke og Valentínusardagurinn

2005-02-14T10:15:00.000+01:00

Tókst að fara í bíó á laugardaginn að sjá gamlan vin minn Ethan Hawke. Er ekki alveg viss hvernig mér finnst hann í dag, hann hefur dalað soldið en samt ber hann enn með sér einhvern þokka.

Já bíóferðir og flugeldasýning í kínahverfinu í gær eru það helsta sem ég hef gert mér til dundurs hér í Man. Ég bjóst reyndar við flottri sýningu þar sem Kínverjar fundu nú upp púðrið. En þetta var algjört prump, þ.e.a.s. einn náungi með stjörnuljós hljóp á milli og kveikti í nokkrum tertum við mikinn fögnuð viðstaddra. Við Helgi fórum bara inn á næsta Teikavei stað og keyptum okkur núðlur og gáfum skít í þessa sýningu.

En Valentínusardagurinn er í dag og Bretar verða alveg veikir á þessum degi. Helgi hefur alla tíð barist hetjulega gegn þessum degi en ég vil auðvitað eitthvað rómó. Þannig að til að fara milliveginn ætlum við að vera heima í kvöld en hafa það samt rómó. Já þessi elska ætlar að elda fyrir mig í kvöld og opna eina rauðvín.
Þessi mánuður er nú frekar dýr fyrir Helga. Fyrst á ég afmæli, svo er Valentínusardagur og svo er Konudagur!!! Gleymum nú ekki Bolludegi sem læðist þarna inn á milli (ekki rómó en getur verið dýr samt) og Bóndadegi í janúar. Já og svo er þorrablótið hér í lok febrúar. Þetta þýðir að maður verður að velja og hafna og ég valdi að sleppa Bóndadeginu til að spara (hehe), og svo sleppum við líklega Þorrablótinu líka.

Best að njóta rómantíkurinnar í botn á meðan ég get því ég fer heim (eða til London) á morgun og sé hann ekki í tvær vikur!

Gleðilegt nýtt ár!

2005-02-11T10:50:00.000+01:00

Er komin til Manchester til hans Helga til að læra, Study Camp. Hef víst ekki verið nógu dugleg að læra undanfarið og því ekki um annað að ræða en að fá smá aga. Það hefur reyndar mjög lítið verið um að vera hjá mér þessa viku.

Reyndar byrjaði þessi heimsókn ekki mjög vel. Ég keypti mér afsláttarkort í lestina um daginn og fæ því fullt af afslætti á lestarmiðum. Ég keypti miða á netinu og nýtti afsláttinn, en þegar ég kom á lestarstöðina í gær þá hafði ég gleymt afsláttarkortinu heima og þurfti því að borga fullt verð fyrir miðann. Fúlt. En bætti upp fyrir það með því að fara í tvö-bíó hér í Manchester á Meet the Fockers. Bíómiðinn hér kostar nebbla 1/3 af því sem bíómiðinn í London kostar, og poppogkókið er líka ódýrara hér en þar. Þannig að ég get ekki annað en grætt á því að fara í bíó! Svo heppilega vill til að Helgi er ekki með neinar skemmtilegar bíórásir (og ég missi af 24 á sunnudaginn) þannig að ég pant fara í bíó á kvöldin, hehe!

Mamma og pabbi elskurnar ætla að koma í heimsókn til mín í næstu viku og það verður mjög fínt. Ég fæ örugglega aldrei leið á að vera leiðsögumaður og skoða túristastaðina hér (skrítið). Fæ líklega ekki heldur leið á að versla hér og skoða í búðirnar (skrítið?). Svo heppilega vill til að Sigrún verður ekki heima þá helgi svo að við höfum íbúðina út af fyrir okkur. Auðvitað ætla ég nú að læra eitthvað líka, en fyrst og fremst hafa það notalegt í útlöndum með mömmu og pabba. Svo kem ég heim eftir 6 vikur!

Í gær var víst nýjársdagur hjá Kínverjum, gleðilegt nýtt ár allir saman! Þekki nú ekki nógu mikið inn á þetta, er þetta ekki ár hanans? Allavega, nú er tilefni til að fá sér einn kínverskan...

Takk fyrir mig

2005-02-07T13:24:00.000+01:00

Verð að segja ykkur að ég var að fá senda afmælisgjöf frá Íslandi. Fékk heilan kassa fullan af nammi, þar á meðal íslenskt súkkulaði, lakkrís og piparbrjóssigg. Svo fékk ég líka Séð og Heyrt!! Hehe, vinkonur mínar vita sko alveg hvað ég vil. Þetta var nákvæmlega það sem vantaði í afmælið mitt!!

Takk æðislega fyrir Sólveig, Halla og Helga!

Góður dagur maður

2005-02-06T11:30:00.000+01:00

Takk fyrir kveðjurnar öllsömul!
Leiddist sko ekki hér í útlöndum á afmælisdaginn. Við skötuhjúin fórum út að borða á svaka fínum stað og fengum dýrindis máltíð (fyrir utan aðalréttinn minn, hann var ekki góður). Kíktum svo á klúbb rétt hjá og sátum þar nokkra stund áður en við fórum heim þreytt og glöð.

Ég fékk afmælistertu úr búðinni og svakalega fínt Fossil úr í afmælisgjöf. Það fylgja með auka ólar (ein rauð, ein svört og ein drapplituð) svo ég get skipt um eftir því hvernig skórnir eru á litinn. Já, verð nottla að kaupa mér nýja skó í stíl, og auðvitað töskur líka...

Var að kaupa mér farmiða heim þannig að þið getið byrjað að skipuleggja móttökunefndina! Kem heim að kvöldi 26. mars sem er laugardagurinn fyrir páska. Þetta þýðir að ég flyt héðan eftir 7 vikur og ég verð sko að nýta tímann sem allra best.

Reyndar fer ég í heimsókn til Helga á fimmtudaginn og verð fram á þriðjudag... fer svo aftur til hans um miðjan mars. Á því enn færri daga eftir í London:-(

Var loksins að fá út úr ritgerðinni sem ég skilaði fyrir áramót. Fékk vægt sjokk því miðað við skalann heima þá fékk ég ekkert sérstaka einkunn. Þó að Bretar noti sama skala og við þá fær enginn hér hærra en 8,5 eða það er allavega mjög fáheyrt. Það er ágætis huggun og ég er strax orðin ánægðari með einkunnina sem ég fékk (sem er töluvert lægri en 8,5). Held því ótrauð áfram að vera dugnaðarforkur hér í mastersnáminu við LSE!!

Loksins orðin tuttuguogeins...

2005-02-04T12:14:00.000+01:00

...og ég er orðin stór stelpa!

Allir sem eiga leið til Bretlands í dag eru velkomnir í kökuboð...

Annars er planið þannig hjá okkur skötuhjúunum að hafa það ofboðslega gott í dag og svo út að borða í kvöld. Getur ekki klikkað...

Mæjan komin og farin

2005-02-02T19:28:00.000+01:00

Tíminn er ekkert smá fljótur að líða, Mæja var að fara heim í dag og er búin að vera hjá mér í heila 5 daga! Við erum sko búnar að hafa það rosalega gott og gert margt okkur til dundurs. Tókum búðarferðirnar bara í tvennu lagi, fórum bæði á mánudaginn og á þriðjudaginn. Mánudeginum lauk svo á frábærum veitingastað þar sem matseðillinn er ódýrastur á mánudögum og svo dýrastur á laugardögum. Algjör snilld! Hef sjaldan eða aldrei borgað jafn lítið fyrir jafn góðan mat, smjatt!

Í gær fórum við í búðir og ég fann skó!!! Loksins, hehe, en nú er líka eins gott að fara að venjast að ganga á hælum aftur (líst ekkert á það). Seinnipartinn pöntuðum við pizzu hingað heim og fórum svo á hverfisbarinn minn hér til að horfa á leikinn, því Arsenal tók á móti Man. United, og átti þessi leikur að vera hápunktur heimsóknarinnar. Reyndar ætluðum við að fara á leikinn sjálfan en fengum ekki miða undir hundraðþúsundkalli. Allavega, við mættum snemma til að fá sæti og það var svaka fjör á pöbbnum og fullt af fólki. Nema hvað þegar hálftími var í að leikurinn byrjaði þá tæmdist staðurinn næstum því þar sem allir voru að fara á leikinn! Við fengum því mjög góð sæti og auðvitað var slatti af fólki þarna að horfa á leikinn með okkur. Sem betur fer vorum við ekki á leiknum því vonbrigðin voru gífurleg þegar Arsenal tapaði. Draumur Arsenal um einhvern titil er úti.

Svo í dag tók alvaran við. Fór í skólann og hlustaði á agalega leiðinlegan fyrirlestur, en um þetta snýst lífið nákvæmlega. Að lifa af leiðinlega fyrirlestra. Nú er ég komin heim í tóma herbergið mitt (það var mjööög þröngt hérna á tímabili) og byrjuð að taka til fyrir næstu heimsókn, því Helgi kemur annaðkvöld og verður hjá mér yfir helgina.

Gönguferðir alla helgina

2005-01-30T18:25:00.000+01:00

Úff, er búin að labba og labba í allan dag, komin langt upp að hnjám. Við Mæja tókum smá túristadag og ég sýndi henni það sem ég þekki hér (sem er ekki svo mikið). Skriðum svo heim um fimm leitið og settum tærnar upp í loft, ætlum að vera tilbúnar fyrir tvöfaldan 24 í kvöld:-)

Í gær fórum við að skoða markaði og í smá búðarráp, bara til að finna bragðið af búðunum. Vildum ekki keyra okkur út því um kvöldið fórum við með Helenu út að borða á frábæran tælenskan stað í Soho og kíktum á djammið eftirá. Kvöldið var rosalega vel heppnað og ég fékk meira að segja að fara á Vodkabarinn minn! Það voru allir klúbbar fullir, allir barir og bara allir staðir hreinlega. Meira að segja Burger King var fullur í nótt þegar við fengum okkur miðnætursnarl. Misreiknuðum okkur aðeins, ætluðum að taka síðustu lestina heim en misstum af henni. Þá tók við klukkutíma bið og barátta við að ná í leigubíl. Loksins þegar það hafðist þá var orðið frekar kalt og við vorum svooo fegnar að komast heim. Geri þetta aldrei aftur, næst ætla ég að rata heim í næturstrætó!! Já ég hef nebbla ekki verið það sniðug að tékka á því hvaða strætó ég get tekið heim úr bænum. Það er auðvitað miklu ódýrara og sagt er að það sé alveg öruggt að taka strætó... en ég hef bara ekki komið mér í það að tékka á þessu.

Hélt ég væri laus við kvefið en á tælenska staðnum í gær fór allt að fyllast og ég fann ekki mikið bragð. Reyndar sveið mig soldið í góminn eftir matinn og mér skilst að hann hafi verið frekar sterkur... reddaði því með pústi í nefið og er búin að vera í bara ágætu standi í dag (fyrir utan smá þynnku), þrátt fyrir kuldann. Vona bara það besta...

Planið fyrir morgundaginn er bara sjoppa, sjoppa, sjoppa! Reyndar fer ég í skólann í fyrramálið því það var verið að breyta einhverju í stundatöflunni í vikunni. En við byrjum því bara galvaskar í hádeginu að versla og takmarkið fyrir morgundaginn er: SKÓR!! Ætlum að fara út að borða svo eftir herlegheitin og jafnvel á sýningu eftir Agöthu Christie!

Mæja biður að heilsa ykkur og biður ykkur vel að lifa.

Mæja alveg að koma!

2005-01-28T17:12:00.000+01:00

Mæja kemur í dag... get ekki beðið! Ég og Helena erum búnar að pæla soldið í dagskrá fyrir Pæjuna svo hún hafi nú fullt að gera hér. Erum búnar að bóka næstum því alla dagana og þetta hreinlega getur ekki klikkað! Veit reyndar ekki hvernig þetta lítur út með fótboltaleikinn sem við ætluðum að sjá á þriðjudaginn, Arsenal v. Man. United. Heyrði því fleygt að miðinn væri á 800 pund á svörtum markaði (!) en ég bíð og sé hvað James vinur minn (sem ætlaði að finna miða) getur gert fyrir mig.

Var aðeins of fljót á mér að fullyrða að ég myndi sleppa við kvefið. Er búin að vera að drukkna í vikunni úr kvefi (o.fl.) og hef prófað allt. Keypt alls konar nornalyf og reynt að gera allt rétt til að vera örugglega í heilu lagi um helgina. Lofa engu en sýnist í fljótu bragði að þetta sé að lagast, ja eða þá að nefdroparnir eru að virka helv... vel.

Fór í klippingu áðan á snyrtistofu sem ég fékk nokkurs konar inneign hjá í vetur. Átti líka að fá djúpnæringu, höfuðnudd og drykk með en var svikin af öllu þessu! Ég var þvegin og klippt og hent út á 35 mínútum, sem er nú nokkuð gott. Mesta svekkelsið er að ég var spurð hvort það mætti bjóða mér einhvern drykk, til dæmis kampavín, og ég nottla "Já takk!" en svo beið ég og beið og ekkert kom. Frekar fúlt. Fór því bara á næsta pöbb og fékk mér hvítvínsglas:-þ En ég er samt bara nokk ánægð með árangurinn, aðeins styttra en það var og meira í styttum. Ákvað að vera ekkert að fikta í litnum í dag...

Jæja nú er Mæjan í loftinu á leiðinni... Skál fyrir henni:-)

Hlýrra í Reykjavík en London:-(

2005-01-25T09:23:00.000+01:00

Það er einhver kvefpest að ná í skottið á mér. Hef þess vegna reynt að halda mig inni og tekið inn C-vítamín. Ég hef reyndar ekki gert neitt og ekki hitt neinn síðan á miðvikudaginn fyrir utan að á laugardaginn fengum við fólk í matarboð sem heppnaðist vel. Er því langt komin í myglunni af því að vera hér (ég sef, borða, læri og horfi á sjónvarpið!) og dreif mig út í gær í bíó með Helenu Pang vinkonu. Við fórum á Alexander, svosem ágætis afþreying en fær samt ekki marga plúsa í kladdann. Mæli því ekkert sérstaklega með henni. Skrítið að hún var í mjög litlum sal en ég hélt einmitt að hún væri nýlega komin í bíó.

Reyndar er ein af ástæðunum fyrir því að ég er búin að vera mikið heima undanfarið sú að það er búið að vera ógó kalt úti. Það er meira að segja hlýrra í Reykjavík heldur en í London í þessum töluðu orðum! úff sveiattan... Það var líka mjög kalt úti í gærkvöldi þegar ég fór í bíóið en ég var auðvitað vel búin.

Ég keypti mér um daginn eina stóra rauða ferðatösku í staðinn fyrir þá sem fór illa á heimleiðinni í desember. Já því eitt hjólið fór undan ódýru ferðatöskunni sem ég keypti í Tælandi hérna um árið. Ég fékk mér því stærri ferðatösku á torfæruhjólum, og hún er ELDRAUÐ!! Verð rosa pæja með hana þegar ég fer heim:-) Reyndar er ég með svo mikið af alls konar drasli að ég gæti þurft að kaupa mér aðra eins áður en ég fer heim...

Talandi um það, þá er svo stutt í að ég flytji héðan fyrir fullt og allt, að nú finnst mér ég verða að nýta tímann eins vel og ég get! Nú þarf ég að fara að gera eitthvað, skoða meira af borginni, sigla eftir ánni, fara að djamma á klúbbum (hef merkilega lítið gert af því), skoða dýragarðinn (hef aldrei komið í almennilegan dýragarð)... tími varla að fara heim áður en ég geri allt þetta! Já svo þarf ég auðvitað að læra líka...

Ameríkanar óðir?

2005-01-22T16:03:00.000+01:00

American Idol var sýnt hér í gær, alveg drepfyndið. Þó maður eigi ekki að dæma heila þjóð af svona þætti, þá held ég að Ameríkanar séu stórskrítin, veruleikafirrt þjóð. Það er ekki fallegt að mynda sér skoðun um fólk út af steríótýpum í ýmsum löndum (eins og að allir Þjóðverjar séu nískir og að allir Japanir séu myndavélaóðir) en það er samt helv... mikið til í þessari flokkun. Þekki til dæmis níska Þjóðverja hér og já allavega skrítna Japana.

Það er einmitt mjög mikil flóra í bekknum mínum af alls konar fólki. Svo hópa t.d. Grikkirnir sig saman og tala bara grísku saman og borða á grískum veitingastöðum og fara á gríska skemmtistaði þannig að það er ómögulegt að kynnast þeim. Eins og er finnst mér því allir Grikkir klikkaðir! Sama á við um Kínverjahjörðina, þeir eru allavega mjög samrýmdir. Það er frekar að maður kynnist liði sem er aleitt hér, þ.e. ekki með löndum sínum í námi. Til dæmis er bara einn Ameríkani í bekknum þannig að það er soldið hæpið að alhæfa um alla Ameríkana út af honum. Enda er hann ekkert líkur liðinu sem er í Idolinu, voðalega venjulegur náungi, fyrir utan að hann heldur með Bush! Já ég held bara áfram að horfa á amerískt sjónvarpsefni og mynda mér skoðun um Ameríkana út frá því.

Það er helst að frétta af mér að ég er búin að segja upp leigusamnignum að íbúðinni og flyt út á milli 20. og 25. mars! 60 dagar eftir í þessari fínu íbúð. Mér líður allavega betur að vita að músin, sem sást í byrjun desember, fannst í einni músargildrunni hér (á meðan ég var á Íslandi og þurfti því ekki að "díla við" hana). Jú ég geri nottla ráð fyrir að þetta hafi verið sama músin, ekki bara bróðir hinnar eða fjarskyldur frændi. En við erum ennþá með músargildrurnar uppi og ég þori voðalega sjaldan að kíkja inn í þær.

Ég ætla bara að láta Helga skoða músargildrurnar næst þegar hann kemur (4. febrúar að sjálfsögðu), eða bara Mæju býflugu sem kemur á föstudaginn!! Já ég fæ heimsókn og við Mæja Pæja ætlum sko að gera heilmargt af okkur. Stelpukvöld með Helenu, fótboltaleikur Arsenal v. Man. U. (sem er spáð að sé stríðsleikur aldarinnar), pöbbarölt, versla og auðvitað eitthvað djammerí eins og gengur og gerist.

Planið í kvöld er hins vegar matarboð hér heima, þ.e. ef Sigrún verður nógu hraust. Jú hún er búin að vera eitthvað slöpp en er öll að braggast og við ætlum að fá nokkra vini í mexíkóveislu. Keyptum Tekíla og mexíkóskan bjór (og nottla rauðvín handa mér!) og auðvitað smá mat líka.

Byrjuð að fara út að hlaupa...

2005-01-20T22:02:00.000+01:00

Ég fór út að hlaupa á þriðjudagsmorguninn, alveg satt! Ég dó líka þegar ég kom heim aftur. Reyndi að gera einhverjar heimskulegar æfingar þegar heim var komið en það bara er ekki það sama að vera einn heima og að vera í gymminu. Var bara doldið lengi að ná mér aftur því ég er vægast sagt í lélegu formi. Ehemm... sé til hvenær ég reyni þetta aftur...

Skólinn er kominn vel af stað og ég er í tveimur mjööög spennandi fögum. Annað heitir Security in Information Systems og hitt er Principles of Privacy and Data Protection og ég er soldið að spá í að fara á þennan starfsvettvang í framtíðinni og jafnvel að skrifa mastersritgerðina um eitthvað tengt þessu. Til dæmis tengist þetta gagnagrunnum og viðskiptamannakerfum og soleiðis. Gæti verið spennandi...

Fór aðeins út í gærkvöldi að viðra mig. Kvöldið tók soldið á og ég var ekki beint í formi til að fara út í morgun að hlaupa. Hef bara haldið mig inni í dag og lært og lært og lært. Já hugsuðir framtíðarinnar verða að undirbúa sig...

Kallinn afmæli í gær!

2005-01-17T20:10:00.000+01:00

Pabbi átti afmæli í gær, til hamingju með daginn pabbi! Gummi bró átti afmæli fyrir viku síðan og ég er því búin að missa af tveimur kökuboðum:-(

Á meðan ég hugsaði til fjölskyldunnar, sem var að gæða sér á kökum í gær, fékk ég mér smáköku og Pepsi. Já ég er farin að drekka meira venjulegt Pepsi (ekki Pepsi Max) í staðinn fyrir kókið. Merkilegt að kókistanum mér finnst Pepsi-ið bara betra hér en kók. Svo drekk ég nottla Pepsi Max þegar ég er að læra, til að halda mér við efnið.

Já ég lærði í dag og var soldinn tíma að koma mér í gírinn. Ég á 9 langar vikur eftir með þessu áframhaldi... verð nú að vera dugleg að koma mér eitthvað út úr húsi annað heldur en út í búð. Ég ætlaði einmitt að fara út að hlaupa í morgun, ehemm, en það var reyndar ægilega leiðinlegt veður, rok og rigning. Efast um að ég sé að nenna í ræktina eitthvað á næstunni, þar sem ég geri lágmarkskröfur um sturtuaðstöðu! Planið er því að fara út að hlaupa á morgnana (þá hef ég afsökun fyrir að fá mér nýja íþróttaskó!) en hér við hliðina á mér er stór stór garður með fínum hlaupaleiðum hef ég heyrt.

Helgi fór heim til Manchester í gær og það er orðið soldið tómlegt hérna, því Sigrún er í Danmörku en kemur annaðkvöld. Það er reyndar fínt að vera ein í smá tíma og hafa sjónvarpið eins hátt og ég vil!

Kalt í dag og svona...

2005-01-14T19:20:00.000+01:00

Enn einu sinni tókst mér ekkert að versla að ráði. Jæja, verð bara að prófa seinna þegar tími gefst. Kíkti líka inn á barnaland.is hjá næsta barnabarninu heima, Hallason/dóttir - til hamingju með síðuna Halli og Anna!

Við Helgi fórum í gær að labba um bæinn með bókinni góðu, skoðuðum alls konar byggingar og svoleiðis. Nú veit ég loksins hvað ja allavega margar af þessum byggingum eru. Fórum meðal annars upp í The Monument, sem er 202 feta hár turn sem var reistur til minningar um Brunann í London á sautjándu öld. Við hlupum upp 311 þrep og komumst upp í besta útsýni sem ég hef séð. Það var heiðskýrt og sólin var lágt á lofti og allt sást rosalega vel. Fékk meira að segja viðurkenningur fyrir að hafa farið þetta! Verð að viðurkenna að ég var orðið soldið mikið lofthrædd þegar upp var komið og það er líka merkielga þröngt í turninum. Löbbuðum svo yfir ána og vorum orðin nokkuð þreytt undir lokin. Þetta tók okkur um 4 tíma en við sáum mikið af borginni.

Eftir allt labbið fórum út með Helenu og Binna. Byrjuðum á frekar lélegum veitingastað þar sem ekkert okkar var ánægt með matinn. Það fyndna við það er að ég hef farið þangað áður en mundi ekki hvort maturinn var góður... svo þegar ég fékk hann þá rifjaðist allt upp:-/
Fórum svo á pöbb sem leit út fyrir að vera pínku lítill að utan. Þegar við komum inn var þetta völundarhús og alltaf hægt að fara lengra. Eins konar altari og predikunarstóll gaf þessu soldið kirkjulegan blæ.

Var ég búin að minnast á hvað það er búið að vera kalt hér? Reyndar ekki jafn kalt og heima á klakanum, en sona öðruvísi kalt sko. Alveg heiðskírt og ca. 6-8° hiti og það var ekkert fyndið að standa fyrir utan Buckingham Palace í morgun að horfa á þegar skipt var um verði. Jú það var reyndar soldið skrítið að þar var líka lúðrasveit sem spilaði bíómyndalög, á eftir sekkjapípunum...

Við ætlum að kíkja á markaðina á morgun - ef veður leyfir... en markmiðið er bara að hafa gaman af því en ekki að versla eitthvað. Er búin að komast að því að þorrablót Íslendingafélagsins hér verður 26. febrúar... get ekki beðið!

Skólinn byrjaður aftur

2005-01-13T10:11:00.000+01:00

Vikan flýgur áfram eins og ekkert sé. Ég hef gert nokkrar heiðarlegar tilraunir til að versla en andinn hefur bara ekki komið yfir mig. Helgi hefur hins vegar keypt ýmislegt. Það er auðvelt að vera strákur! Ætla að reyna að bæta úr því í dag því ég fer í afmæli á föstudaginn og það er dress-code, má ekki vera í gallabuxum og strigaskóm. Svo "heppilega" vil til að ég skildi leðurstígvélin mín eftir heima og ég verð því að fara að kaupa mér skó...:-)

Við keyptum okkur um daginn túristabók um London, með gönguleiðum og lýsingum á merkum stöðum. Fyrsta gönguleiðin var farin á miðvikudaginn en höfundur hennar lagði mikið upp úr að segja frá börum fyrir samkynhneigða og "pick-up" staði þannig að ég allavega veit um allt svoleiðis hér... :-/ Fórum svo á safn fyrir leikhúsmenninguna hér í borg en það var ekkert spennandi því maður þekkir það svo lítið. En við allavega tókum ágætis stökk í menninguna og látum það duga í bili.

Prófuðum hverfispöbbinn í gær og fengum okkur snarl þar. Þá var akkúrat að byrja fótboltaleikur og við horfðum á leikinn með landanum. Þetta var alveg óvart, við ætluðum ekkert að horfa á leikinn og ég er nebbla pínu hrædd um að Helgi fái einhvern svaka áhuga á boltanum eftir að hafa búið í Manchester svona lengi... Allavega, þetta var Chelsea - Man. United og í stuttu máli gerðist ekkert í leiknum. Við gáfumst reyndar upp þegar 20 mín. voru eftir og röltum bara heim á leið. Helgi á reyndar miða í lok janúar á Man. United - Chelsea í sömu keppni; kannski verður sá leikur meira spennnandi.

Skólinn byrjaði í gær og ég er frá kl. 10 til 19 á miðvikudögum!! Hef líklega 2 tíma eyðu á milli en þetta er nú soldið mikil keyrsla. Aðalatriðið er að borða vel svo maður sofni ekki í tímum. Svo eru líka tímar á föstudögum en það er frjáls mæting í þá og .... þið vitið hvað það þýðir. Ég er víst ekki byrjuð að læra ennþá því Helgi er hjá mér fram á sunnudag. Ég hef nottla 5 daga vikunnar til að læra... ehemm... og hef því alveg nógan tíma til að læra. Ég var víst ekki alveg nógu dugleg að læra í jólafríinu þannig að ég get alltaf reynt að bæta það upp núna... ehemm...

Komin aftur í íbúðina mína

2005-01-10T10:52:00.000+01:00

Nú er fríið búið að alvaran tekin við. Ég og Helgi komum hingað til London í hlýjuna seint í gærkvöldi eftir langa ferð... Til að byrja með þá var kerfið hjá Iceland Express niðri og því þurfti að skrá okkur inn handvirkt. Frjálst sætaval olli því að það var MIKIL biðröð og þrengsli og troðningur þegar við vorum að fara í vélina. Flugið átti að fara kl. þrjú en var seinkað um þrjá tíma þannig að við biðum bara á flugstöðinni. Það var einhver töf í London og það endaði með því að þeir notuðu leiguflugvél með útlendri áhöfn og allt. Var nú öllu viðbúin með góða bók og nokkrar myndir í tölvunni. Horfði meðal annars á The Amazing Race þáttinn sem gerist á klakanum og það er vægast sagt góð landkynning! Við hittum líka stelpu úr LSE sem var á leiðinni út og heitir Hrafnhildur og við vorum að bera saman bækur og svoleiðis. Allavega, það var svo mikið að gera hjá okkur á flugstöðinni við að tala saman og horfa á myndir, að við gleymdum að kaupa okkur eitthvað að borða þar. Jæja, gerir ekkert til því það er hægt að kaupa samlokur í vélinni. Ég var því mjög svöng kl. 6 þegar vélin fór, hafði ekkert borðað frá því í hádeginu (nú fyrir utan rauðvín og súkkulaði, auðvitað). Við sátum einhvern veginn akkúrat í miðjunni á vélinni þannig að loksins þegar áhöfnin kom til okkar (byrjar á báðum endum gangsins og endar í miðjunni) þá var allt úrvalið búið og við keyptum einhverjar verstu samlokur sem ég hef smakkað og hent! Þetta var náttla bresk leiguvél með breskri áhöfn og breskum mat! Úff, ég var því orðin virkilega svöng þegar við loksins lentum á Stansted. Jæja, þegar þangað kom þá hugsaði ég mér gott til glóðarinnar og ætlaði að hoppa upp í Express lestina og koma mér heim og panta pizzu. Já en þá komst ég að því að lestin gekk ekki inn í London vegna eldsvoða nálægt teinunum! Þarna var klukkan langt gengin í tíu og við að svengjast ennþá meira! Við tókum því næstu rútu (eða þarnæstu því rútan sem við ætluðum í fylltist og við þurftum því að fara í tóma rútu og bíða þangað til hún fylltist!) og vorum komin á lestarstöðina í London um hálf ellefu. Nenntum ekki að taka neðanjarðarlestina heim og splæstum á okkur leigubíl og vorum því komin hingað í "heim" um ellefu leitið. Langþráð pizza kom hálftíma síðar og við vorum sofnuð kl. tólf, þreytt en södd.

Núna tekur annað við, þarf að byrja að taka upp úr töskum og koma mér vel fyrir. Þarf auðvitað líka að fylla á ísskápinn og kíkja á útsölurnar og svona, já og mæta í skólann, en það er enginn tími fyrr en á miðvikudaginn.

Ein vika eftir!

2005-01-03T19:05:00.000+01:00

Nú fer gallharður veruleikinn aftur að slá mann til og frá. Þarf að byrja að pakka bráðlega því ég held aftur út (hef nú stundum kallað það "heim") á sunnudaginn. Veit ekki hvernig ég ætla að fara að því að koma öllu draslinu aftur oní töskuna, sem var svo þung að annað hjólið brotnaði af á leiðinni út á flugvöll. Að ógleymdri yfirvigtinni sem ég þurfti að borga... women!

Ég hef ekki notað helminginn af því sem ég tók með mér! Nú heyrist í Helga "Ég sagði þér það..." en hvernig átti ég að vita að ég fengi kvef og hita? Eða að það yrði svoooona kalt? Ég bjóst við að það yrði aðeins meira stuð á mér hér og aðeins meiri þeytingur! Hef hins vegar komist yfir fleiri bækur (ekki skólabækur) og fleiri bíómyndir á styttri tíma en oft áður! Hef líka sofið mun meira og betur en ég hef gert þarna í Bretlandi. Öllu skiptir að ég sef í rúminu mínu og með sængina mína og við lítinn umferðarnið. Held svei mér þá að þreytan sé að minnka í andlitinu!

Það verður furðulega lítið úr deginum hjá mér. Ég er nottla ekki á bíl og bý í fjarlægu úthverfi borgarinnar... en auðvitað má bjarga því einhvern veginn. Ætla að kíkja á útsölur á morgun og sjá hvort ég fái ekki eitthvað fallegt fyrir stórafmælið á föstudaginn. Það er síðasta partýið í Reykjavík í bili og auðvitað vill maður vera fínn fyrir það!

Við skötuhjúin fórum út í gær, út að borða og í bíó. Höfum ekki átt svona góðan dag lengi... Enduðum daginn á að kíkja upp í Dynsalina og heilsa upp á leigjendurna. Allt í sómanum þar (ólýsanlegur léttir) og ég var búin að gleyma hvað ég saknaði íbúðarinnar! ójæja svona er þetta víst bara.

En já tíu vikur eftir af skólanum! Svo bara kem ég heim um páskana og byrja að læra fyrir prófin sem verða í maí. Spennandi tímar framundan...:-)

Slappleiki yfir jólin

2004-12-22T18:04:00.000+01:00

Hundfúlt, er búin að vera slöpp alla daga síðan ég kom heim, og núna er ég komin með hita! Hélt ég væri vaxin upp úr því að fá hita en nei, greinilega ekki. Þetta er versti tíminn, svo margt sem ég þarf að gera... æ hundleiðinlegt!

Að öðru leiti er voðalega gott að vera hér á klakanum, ekki síst eftir að Helgi kom heim. Það fer voðalega vel um okkur hjá tengdó og við sofum í rúminu OKKAR með sængina OKKAR! Já þetta er ljúft. Þetta hefur samt verið ótrúlega fljótt að líða og ég er næstum því hálfnuð með fríið mitt!

Jæja gleðileg jól öllsömul og hafið það sem allra best yfir jólin. Fátækir námsmenn senda engin jólakort...

Komin heim!

2004-12-15T21:45:00.000+01:00

Er komin heim í heiðardalinn! Komin með nýtt símanúmer og alles sko. Hef það alveg voðalega gott hjá mömmu og pabba, nema hvað það er svo svakalega kalt hérna á klakanum! Brrrr

Er opinberlega búin að kaupa allar jólagjafirnar og get því bara slakað á til jóla. Nema hvað ég þarf nottla að læra soldið, hef víst ekki verið dugleg að gera það hingað til. Svo mikið að gera við að hitta alla vinina og fjölskylduna... og borða audda líka!

Mæja plataði mig í ræktina í gær og ég get varla labbað! Ætla svo aftur í fyrramálið og verð víst að reyna að ná einhverju af mér! m.ö.o. rýma til fyrir íslenska matnum!

Er víst ekki heldur nógu dugleg að blogga hér, hef frekar hæga nettengingu hjá mömmu og pabba þannig að þessi síða verður eitthvað að bíða!

En bara 9 dagar til jóla... get ekki beðið eftir að fá jólagjafir, hehe

Hugrún á heimleið!

2004-12-10T18:59:00.000+01:00

Vikan er búin - ég kem heim til Íslands á morgun!
Helgi er hjá mér og við erum búin að hafa það voðalega gott saman. Ég skilaði síðasta verkefninu í gær og svo fórum við út að borða og á söngleik. Sáum The Producers, sem Mel Brooks framleiðir, og þetta var bara nokkuð gott stykki.
Í gær hittum við þrisvar sinnum einhverja Íslendinga og ég hef ekki hitt aðra Íslendinga hér síðan ég kom hingað!

Við fórum í bæinn í dag og erum búin að skoða jólagjafir og soleiðis. Löbbuðum og löbbuðum og löbbuðum... er alveg búin á því, hef ekkert þol í svona lagað! Planið í kvöld er bara afslöppun svo ég verði nú hress á morgun þegar ég flýg heim!

Hah, þetta er búið í bili... þangað til næst...

Músagildrur og súkkulaði

2004-12-04T18:23:00.000+01:00

Það er kominn laugardagur sem þýðir að það er bara vika þangað til ég kem heim!

Þetta er búið að vera voðalega venjulegur dagur og ég hef verið rosalega dugleg að læra. Er bara næstum því búin með verkefnið mitt og hef þá nokkra daga lausa í næstu viku þegar Helgi kemur. Við ætlum að taka nokkra daga í jólaösinni, skoða bæjarlífið og jafnvel versla örlítið. En það verður voða gott að koma heim...

Það er ekkert að frétta af músinni okkar, hún er allavega ekki búin að láta sjá sig í músargildrunum. Þær eru reyndar úr lími og drepa nottla ekki mýsnar, sem þýðir að við þurfum sjálf að gera það! Hér kemur Jeff sér vel...

Eftir ítarlega könnun á því framboði af súkkulaði sem ég get nálgast hér, þá hef ég komist að þeirri niðurstöðu að Galaxy súkkulaðið er best, og það helst í King Size (smjatt). Er þó ekki búin að finna út hvaða rauðvín er best með þessu súkkulaði, en held áfram að prófa mig áfram...

Fjölgun í íbúðinni

2004-12-01T20:01:00.000+01:00

Það eru víst fleiri hér í íbúðinni heldur en bara við. Í morgun urðum við vör við fyrstu músina hér í borg. Það varð sko uppi fótur og fit og stokkið upp á stóla. Músin kom undan útihurðinni og skaust inn í MITT herbergi og hvarf, líklegast á milli gólffjala eða inn í vegginn bara. Þetta er víst voðalega algengt og ekki mikið hægt að gera nema kaupa músagildru. Sem betur fer er nú karlmaður í íbúðinni, bandaríski kærasti Sigrúnar, og hann fékk það verkefni að sjá um gildrurnar!

Þetta var samt ekki alslæmur dagur því við fengum nýtt sjónvarp heim í dag! Þeir höfðu ekki fyrir því að spyrja hvað var að sjónvarpinu þegar ég hringdi og kvartaði, og þeir tóku ekki gamla settið! Ég get því horft á The L-word í sjónvarpinu í kvöld:-) Í gærkvöldi fékk ég góða gjöf að heiman, súkkulaði og Turkish Pepper, og get því haft það voðalega notalegt í kvöld. Takk fyrir mig, Helga!

Það er sko ekkert farið að hlýna hér og ég er eitthvað að hóstast og soleiðis, verð því að fara voðalega vel með mig og hafa það voðalega gott, samkvæmt læknisráði.

Bilað sjónvarp

2004-11-30T08:44:00.000+01:00

Ég er alveg endurnærð eftir þessa stuttu ferð til Manchester. Tókst líka að læra alveg heilmikið og ég á ekki jafn mikið eftir og ég hélt. Vúhú! Helgi kemur svo til mín á miðvikudaginn eftir viku og verður hjá mér þangað til ég kem heim. Gott að fá burðardýr til að hjálpa mér með farangurinn á leiðinni á flugvöllinn!

Þetta er næst síðasta vikan í skólanum! Þetta hefur liðið ótrúlega hratt mikið búið að gerast. Þó síðasti kennsludagur sé á föstudaginn í næstu viku verður svokallað End-of-term party á þriðjudaginn í þeirri viku. Já, soldið merkilegt, en það eru víst svo margir sem eru að fara heim þann 10. og til að ná öllum í partýið þá verður að hafa það svona snemma. Ég fer nottla ekki heim fyrr en 11. og var búin að taka föstudagskvöldið frá fyrir lokapartýið.

Þegar við fluttum inn, fyrir ca. tveimur og hálfum mánuði, keyptum við okkur lítið og ódýrt sjónvarp. Sjónvarpið bilaði um daginn og það ég er alveg "handalaus" eða a.m.k. eyðilögð! Þetta gæti reyndar ekki gerst á betri tíma því þessa dagana er mar nottla að læra... en það er voðalega gott að slökkva aðeins á heilanum í smá stund eftir langan dag. Þetta er frekar lélegt, en við ætlum að kanna málið í dag, með ábyrgð og svona. Aðalatriðið er að ég má ekki missa af The L-word annaðkvöld! Er sko strax komin inn í þætti hér í útlöndunum. Svo er Simpsons og Will&Grace á hverju kvöldi kl. ca. 6-8 þannig að það er nóg að horfa á yfir kvöldmatnum. Vona að Argos sé með góða þjónustu!

Já það er sko byrjað að kólna hér og ég hélt að ofninn í herberginu mínu ætlaði aldrei að hitna í gær. Hef nokkur ráð við svona kulda:

Hella sjóðandi vatni í hitapoka og skella honum undir sængina - kom sér vel í nótt!
Fá sér heitt og gott vanilute með hunangi
Búa til hafragraut - klikkar ekki
Kveikja á rauðu hjartalaga ljósaseríunni og á kertum, manni hitnar fullt við það
Fara undir stóru tvíbreiðu sængina með góða bók og súkkulaði
Fara í heitt freyðibað - með góða bók að sjálfsögðu (en ekki súkkulaði)
Jólahreingerningin: taka til, ryksuga, strauja, þurrka af...
Fara í neðanjarðarlestina, þar er alltaf svo hrikalega heitt

Hugmyndir óskast!

Námsbúðir í Manchester

2004-11-28T09:54:00.000+01:00

Það trúði því enginn í skólanum að ég ætlaði að fara að læra í Manchester hjá kærastanum. Fólk vildi veðja við mig um það að ég myndi ekki opna bók, heldur bara slappa af og sofa út. Ég get stolt sagt frá því að við Helgi lærðum saman í allan gærdag, frá kl. 9 til hálf sjö um kvöldið! Það er voðalega gott að skipta um umhverfi og hitta annað fólk. Við fórum í gærkvöldi á jólamarkað hérna rétt hjá, þar sem fullt af fólki kom saman og seldi (okurverð reyndar) alls konar varning, m.a. jólatré. Ég labbaði þar aðeins um til að finna jólatréslyktina en það var samt eiginlega of snemmt fyrir mig, jólabarnið sjálft! Við fórum svo snemma heim og sofnuðum yfir sjónvarpinu, alveg eins og heima!

Ég fékk að sofa aðeins út í morgun, til kl. 9. Voðalega gott, en við fórum strax að læra auðvitað og ætlum að læra til kvölds. Sama sagan á morgun, vakna, læra, sofa, og borða auðvitað líka. Ætlum reyndar að tékka á bíósýningum í kvöld, gæti verið gaman að gera eitthvað annað en að læra...

Komst að því í gær að það er voðalega erfitt að finna Pepsi Max í Manchester! Fór í þrjár búðir og keypti þrjár síðustu dósirnar í síðustu búðinni. Verð að halda mér vakandi einhvern veginn og ég gleymdi nottla góða teinu mínu heima. Martin, meðleigjandi Helga, bauð mér reyndar eitthvað te sem var alveg hræðilega vont.

Eitt að lokum, ég mæli ekki með því að borða súkkulaði í svartri peysu, liggjandi í sófanum!

Mánuður til jóla!!

2004-11-24T21:23:00.000+01:00

Það er bara mánuður til jóla í dag og Bretar eru strax byrjaðir að skreyta jólatrén! Alveg satt, á leiðinni heim úr skólanum í gekk ég framhjá húsi þar sem stórt og stæðilegt jólatré var búið að koma sér fyrir inni í stofu, fullskreytt og fínt! Kannski soldið snemmt, en aðventan er jú á sunnudaginn... ég ætla að kveikja á einu kerti á sunnudaginn til að halda upp á það.

Einhæft líf og engar fréttir valda því að ég ætla að skreppa norður um helgina, nánar tilgetið til Manchester, England England. Það er allt á fullu í skólanum hjá bæði mér og Helga en við látum það sko ekki stoppa okkur. Við ætlum að læra saman alla helgina og slaka á saman á kvöldin. Gæti verið verra... miklu verra, og ég er sko byrjuð að hlakka til. Já hlakka til að fara að læra. Ég er alveg að mygla hérna í íbúðinni - nenni sko aldrei að læra á bókasafninu og læri hér í staðinn - og það verður voðalega hollt og gott að skipta um umhverfi. Kem svo aftur hingað eftir helgi, á mánudag eða þriðjudag... ágætis frí frá stórborginni.

Mín er víst sárt saknað í saumaklúbbnum! (eins gott, hehe) Heyrði aðeins í gellunum í gær í Tupperware kynningu hjá Svövu. Hún býr víst í höll og ég get ekki beðið eftir að sjá myndir af nýja hýbýlinu. Ég fæ reyndar einstaka sinnum tölvupóst frá vinkonunum sem segja mér eitthvað slúður. Ótrúlega mikið búið að gerast síðan ég fór að heiman, allir að gera eitthvað nýtt. En það sem ég sakna einna mest er ísrúntur í Álfheimana! Ísinn hér er ekkert svo góður nebbla. Eini kosturinn er að það er soldið úrval hér, en ég hef allavega ekki fengið góðan þeyting ennþá!!!!

Erfitt líf námsmannsins

2004-11-23T07:53:00.000+01:00

Enn einn dagurinn sem fer í að vakna snemma, læra og læra, og fara svo að sofa. En þetta fer að verða búið, bara 18 dagar þangað til ég fer heim! Stofufangelsi? Nei varla. Ég get alveg, tæknilega séð, skipulagt tímann minn þannig að ég komist út seinnipartinn. Væri alveg til í að vera túristi í London núna, skoða jólaljósin, versla, og vera á heimleið! Heimþráin farin að segja til sín, sérstakleg þegar það er svona stutt þangað til ég kem heim. Það er nottla frábært að hafa tekið frí frá námi í tvö ár, en ég var búin að gleyma hvað þetta líf námsmannsins getur verið einhæft og fátæklegt.

Ég var byrjuð að skoða heimildir fyrir verkefnið mitt og var svo bent á það í gær að það er miklu sniðugra að skrifa um annað efni - efni sem ég þekki ekki neitt! Úff, það er reyndar alveg rétt, þetta er áhugaverðara efni, en sumt af því sem ég var að gera um helgina er því unnið fyrir gíg. Ég þarf því að byrja aftur að skoða heimildir... reyndar græði ég heilmikið á þessu því það er nottla prófað úr þessu öllu saman.

En gleymum því ekki að ég er hrikalega heppin að hafa fengið tækifæri til að koma hingað og búa hér sem námsmaður. Hingað til hefur þetta verið mjög skemmtileg reynsla og ég hef kynnst fullt af skemmtilegu fólki.

Verð að halda áfram... tebollinn er að kólna...

Skila inn verkefninu!!!

2004-11-20T18:27:00.000+01:00

Þetta virðist taka óratíma að hlaða sig upp! Veit ekki af hverju en mér hafa borist kvartanir, voðalega erfitt að skoða bloggið mitt. Umferðin er nottla svo mikil sko, svo er ég líka alltaf að fá comment eða þannig!

Ég var búin að gera þetta fína blogg hér í gærmorgun en það vistaðist ekki og ég hafði audda ekki tíma til að gera það aftur. Nú man ég ekkert hvað ég sagði í gær.

Ég allavega er loksins búin að skila stóra verkefninu í hópnum og er hætt í þessari hópavinnu. Hélt líka ærlega upp á það í gærkvöldi. En fyrst hitti ég Helgu Thorddsen, sem var í heimsókn hjá honum Inga sínum. Við fórum á kaffihús og gæddum okkur á tei og fínheitum. Hún kynnti mig líka fyrir nammi sem þær systur eru hrifnar af, Brazil Nuts frá Thorntons. Svo kom leynigesturinn, sjálfur Hannes sem var með okkur í bekk í Versló, sem hefur búið hér í borg í nokkur ár og er að taka masterinn í einhverjum listum í skóla rétt hjá mínum. Við skiptumst á símanúmerum og ætlum að hittast eitthvað.
Við Helga fórum svo í labbitúr um Covent Garden og skoðuðum mannlífið. Það er búið að setja upp stærsta jólatré sem ég hef nokkurn tímann séð. Reyndar er þetta ca. 15 m há víragrind sem búið er að veggfóðra með jólatrésgreinum og jólaljósum. En þetta er flott og kemur vel út. Greinilegt að jólin eru að koma!

Ég fór svo að hitta krakkana úr kúrsinum mínum á pöbb þarna rétt hjá. Þó ég hafi bara ætlað að vera voða stutt, vakna snemma daginn eftir til að læra, þá var ég þar alveg til lokunar. Reyndar lokar barinn kl. 11, en það er sama, ég var þarna í 5 klukkutíma:-) Neyðist til að taka til baka það sem ég sagði um Alka Seltzerinn, hann virkaði sko ekki r*ssg*t í morgun! Er búin að vera frekar aumingjaleg í dag!

Samt er ég búin að læra soldið - ég vaknaði nottla kl. 9 í morgun. Ég ætla bara að vera ennþá duglegri á morgun.

Það er loksins búið að setja lás á baðherbergishurðina! Þannig að þegar við fáum gesti þá geta þeir óhræddir farið á klóið og LÆST AÐ SÉR! Okkur Sigrúnu er nokk sama þegar við erum bara tvær hér. Málið getur bara flækst þegar kærastar eru í heimsókn sko. Leigusalinn, Cheryl, kom í dag og lagaði eitt og annað sem þurfti að gera. Þau eru aðeins byrjuð að laga pallinn okkar en ætla vonandi að klára hann fljótlega, þannig að okkur ætti að vera óhætt að fara þangað út bráðum.

Mæja Pæja var að eignast lítinn frænda í gær, Til hamingju með frændann Mæja mín og ég bið að heilsa Brynju, Grímsa og Unu:-)

Planið í kvöld? Við Sigrún ætlum að vera sófaklessur með rauðvínsglas í hendi (reyndar er Sigrún með lungnabólgu ofan í astmann og má ekki drekka á fúkkalyfjunum, ég sit því ein að rauðvíninu!) og horfa á einhverja mynd sem ég man ekki hvað heitir. Þarf að skreppa út í búð til að kaupa ost og sona...

Væmnar breskar myndir

2004-11-16T21:38:00.000+01:00

Jólahjólajól! Komin í gegt jólastuð... rauða hjartalaga jólaserían er sko að gera góða hluti! Ekki nema... já rúmur mánuður til jóla, en rúmar þrjár vikur þangað til ég fer heim:-)

Ég fór að sjá Bridget Jones myndina á sunnudaginn og varð ekki fyrir vonbrigðum. Reyndar er soldið mikið vísað í fyrri myndina - hluti sem ég var búin að steingleyma - en ég mæli með því að fólk horfi á fyrri myndina aftur áður en þessi er skoðuð. Held að "sándtrakkið" úr myndinni sé bara nokkuð gott. Ég hló soldið mikið og tárin streymdu niður en sem betur fer eyðilagðist maskarinn ekki (!)

Ég er reyndar nýbyrjuð að fíla voðalega vel svona væmnar og rómantískar breskar myndir, eins og Love Actually og þessa mynd. Nú er reyndar hætt að framleiða svona myndir skilst mér... formúlan orðin ofnotuð, akkúrat þegar ég byrja að fatta hana!

Næsta djamm hjá mér er áætlað á föstudaginn (jibbý!) þegar við skilum inn "skemmtilegu" hópverkefni, loksins. Hef aldrei áður unnið í svona erfiðum hóp - og ég hef nú prófað ýmislegt (lesist reynslubolti). En ég verð bara ríkari af reynslunni og læri líka heilmikið um sjálfa mig.
Um helgina ætla ég svo að byrja á næsta verkefni fyrir skólann sem dugar mér þangað til ég legg af stað heim:-/ Það er soldið merkilegt að áfengi er alveg hætt að hafa áhrif daginn eftir, svo lengi sem maður fær nógan svefn (hér lokar allt nottla kl. 11) og Alka Seltzer verð ég hress daginn eftir! Ég ætla líka að hitta Helgu vinkonu um helgina! Kemurðu ekki til landsins á fimmtudaginn, Helga? Við finnum okkur eitthvað skemmtilegt að gera:-)

Ég bið að heilsa ykkur þarna í snjóbylnum heima á Íslandi, vona að þið hafið komist í vinnuna í morgun (hehehe!) Það var nebbla fínasta veður hér í dag, frekar hlýtt og létt veður, engin rigning eða þoka sko!

Kaaaalt úti

2004-11-14T13:48:00.000+01:00

Það er sól og blíða hér í London, 6-10 stiga hiti undanfarna viku. Það er reyndar svo lítill raki að það er búið að vera ógeðslega kalt síðustu daga, alveg frá því á fimmtudaginn. Týpískt að Halli og Anna komu akkúrat þegar byrjar að kólna hérna. Líka týpískt að þau voru bæði hölt og skökk þennan tíma og gátu því ekki labbað mikið.

Þau gistu hjá mér frá því á miðvikudaginn og fóru í morgun (eldsnemma á sunnudagsmorgni). Er langt komin með nammið (smjatt, slurp) en ætla að reyna að spara serjosið þangað til ég fer heim. Ég vona að þau hafi haft það gott en ég veit að þau náðu að versla soldið, bæði fyrir jólin og fyrir fjölskylduna. Ég er hrædd um að Helgan þeirra verði ánægð þegar hún sér hvað þau keyptu;-þ Ég sýndi þeim nottla hvar er hægt að versla og kenndi þeim aðeins á lestarkerfið (sem er ekki flókið, þau spjöruðu sig alveg). Þau fóru í skoðunarferð með tveggja hæða strætó um London og sáu allt heila klabbið á tveimur tímum! Góður árangur... gátu notað tímann í eitthvað skemmtilegt í staðinn, eins og að fara með mér á Chicago (eins og söngleikurinn heima) og borða og drekka vel. Reyndar var sorg þegar við komumst að því að það er nýbúið að skipta um aðal karlleikarann í sýningunni, við rétt misstum af sjálfum David Hasselhoff:-(

Við fórum í gær á bæjarrölt, löbbuðum um Camden markaðinn og í Covent Garden. Jólastemmningin var allsráðandi, búið að kveikja á einhverjum jólaljósum á götunum og byrjað að spila jólalögin í búðunum.
Það var svoooo kalt úti en nýja dúnúlpan mín kom sér vel. Stoppuðum nottla nokkrum sinnum á vel völdum pöbbum til að hlýja okkur og væta kverkarnar og skoða árangur dagsins. Enduðum kvöldið á að elda heima og horfðum á Bridget Jones´s Diary í sjónvarpinu, fórum snemma að sofa því þau þurftu að vakna svo snemma til að ná flugvélinni.

Já viti menn, framhaldið hennar Bridgetar var frumsýnt hér um helgina og ég er að fara á myndina í kvöld!!! Get ekki verið þekkt fyrir að fara ekki í bíó hér í borg! Við erum að fara nokkur saman úr skólanum í nokkurs konar hópferð.

En nú byrjar alvaran aftur, vika 7 er að byrja og því aðeins 4 vikur eftir af skólanum. Ég á að skila hópverkefni á föstudaginn og það virðist ganga soldið hægt
(miðað við aðra hópa) að gera þetta #$%&* verkefni.

Svo í þokkabót er ég komin með hjúges stóra bólu á hökuna:-( (kemur málinu kannski ekki við?)

Arsenal 3 - Everton 1

2004-11-11T01:22:00.000+01:00

I went to see a football match yesterday with my friends who are big time Arsenal supporters. I must admit I am much wiser after the game regarding football stuff, e.g. the shouts and how to behave at a match! Anyways, Icelandic please...
Það var mikill léttir að Arsenal vann Everton á leiknum í gær, því krakkarnir sem ég fór með eru miklir aðdáendur Arsenal og ég er ekki frá því að það hefðu komið tár ef liðið hefði tapað! Fótboltaleikir eru daglegur hluti af lífi Bretans, til dæmis eru öskrin og hrópin og köllin á leiknum mjög eðlileg fyrir þá. Held að þau taki ekki eftir því sjálf þegar þau öskra - bara svipað og að anda eða klóra sér í nefinu. Ég lærði til dæmis fullt af viðeigandi hrópum þegar þetta og hitt gerist. Var líka frædd um hvaða varnarleikir voru í gangi hverju sinni og hvað liðið er með í laun. Þetta var mjög fróðlegt! En úff hvað það var kalt að sitja þarna úti í tvo og hálfan tíma. Svo gekk frekar hægt að komast frá leikvellinum og næsta lestarstöð var lokuð - við og aðrir 30.000 gestir vorum í vandræðum með að komast áfram í kraðakinu sem myndaðist eftir leikinn. Einhvern veginn tókst okkur samt að labba heim (það tók víst um hálftíma að labba heim, ágætis göngutúr).

Ég er orðin hálf smeyk við að skoða mbl.is núorðið því það eru stórar fréttir nærri daglega af klakanum... Mér var strítt um daginn fyrir að vita ekki hvað var að gerast heima varðandi skýrslu samkeppnisráðs... Hugrún horfðu á fréttir á Netinu!

Halli og Anna komu í dag, ég sótti þau á lestarstöðina og var nærri búin að labba á þau, við hittumst svo vel á(!). Greyin eru bæði hálf skakklappa, labba eins og mörgæsir því Halli er með bágt í hnénu en Anna er komin 5 mánuði á leið! Áhugavert, vonandi fara þau ekki illa út úr Londonferðinni!
Þau komu með smá glaðning handa mér, voðalega gott að fá leðurjakkann minn aftur, nammi og Cheerio´s (takk mamma mín!!). Já Seríosið hér er allt allt allt öðruvísi en heima, ég vil bara gula pakkann venjulega.
Það er nú aðallega bara gaman að sjá þau og fá fréttir að heiman í beinni. Við spiluðum Yatzy og Súmm í kvöld við eldhúsborði, alveg eins og heima!

Svava vinkona var að fá að vita kynið á barninu sínu í dag! Voðalega gaman að vita það! Nú er hægt að byrja að finna nöfn og svoleiðis, kaupa smá föt og taka ákvarðanir og svoleiðis. Svava, mér líst rosalega vel á þetta! Ég fylgist sko spennt með á barnaland.is.

Fyrsti alvöru fótboltaleikurinn í kvöld

2004-11-09T09:46:00.000+01:00

Ég er að fara á leik í kvöld! Arsenal - Everton á Highbury, sem er völlurinn hjá Arsenal og er í 10 mín. fjarlægð frá mér. Þetta er víst skítómerkilegur leikur, en leikur samt! Ég verð að æfa mig í að halda með einhverjum liðum fyrst maður býr hér í landi fótboltans!

Ég bý í miðju Arsenal hverfi og það er sko mikil stemmning hérna í kringum mig þegar allir eru að labba á pöbbinn til að horfa á leik. Ég gæti smitast... gæti farið að halda með Arsenal eftir þetta ár hérna! Hef reyndar alltaf haldið með því liði sem vinnur og hef því eiginlega haldið með Arsenal undanfarið, hehe.
Þetta er eiginlega smá upphitun fyrir stóra leikinn sem við Mæja Pæja förum á í byrjun febrúar. Þá er svakalegur leikur hér í hverfinu, Arsenal - Manchester United, og miðinn kostar ca. 50 þúsund kall í dag! Ég fer náttla mínar krókaleiðir í að redda miða og ætla sko ekki að borga sem svarar 4 nýjum skópörum fyrir miða á einn (skitinn) leik!

Við ætlum audda að byrja á pöbbnum til að hita upp kverkarnar, og svo verður haldið á Highbury. Var ráðlegt að koma vel klædd - það er eitthvað sem ég er sérfræðingur í. Keypti mér einmitt þessa fínu dúnúlpu um helgina. Helgi var minn persónulegi ráðgjafi og við erum bara nokkuð ánægð með útkomuna. Reyndar er svoldið heitt að vera í dúnúlpu í tjúbinu, og líka þegar maður fer út í búð á leiðinni heim úr skólanum með þunga leikfimistösku á bakinu og þunga skólatösku á öxlinni... mæli ekki sérstaklega með því að vera í dúnúlpu í þeim aðstæðum.

Á morgun koma minn elskulegi bróðir og mágkona í heimsókn til mín. Ætla auðvitað að taka vel á móti þeim, sérstaklega af því þau ætla að koma með smá íslenskt nammi handa mér og audda Turkish Pepper! Ágætt að fá svona sendingar af og til... hint hint!

Það er soldið merkilegt (fyrst ég er nú byrjuð að kvarta) að meðleigjandinn hún Sigrún er búin að fá fullt af póstkortum, bréfum og jafnvel sendingum, frá vinum og vandamönnum, en ég er bara búin að fá gluggapóst og reikningsyfirlit. Það er nottla gaman að fá tölvupóst en ennþá skemmtilegra að fá venjulegan póst... hint hint...

Nú er koffínið í teinu sko byrjað að virka, ég er nebbla farin að drekka fullt af tei daglega. Þeir sem drekka ekki kaffi verða bara að redda sér öðruvísi. Nota meira að segja telauf og svona sigti-dót, voðalega posh! Reyndar er Pepsí-Maxið alveg ágætt hér! Nema hvað það er óhollt fyrir líkamann, en það er önnur saga.

Ég svaf í fyrsta skipti heila aðfararnótt þriðjudags síðan ég flutti inn. Ruslakallarniar koma nebbla alltaf kl. 6:30 á þriðjudagsmorgnum og leggja ruslabílnum fyrir framan gluggann minn meðan þeir tæma ruslið hjá öllu fólkinu í götunni. Svo bakkar hann út (þetta er ekki einstefna - fatta ekki af hverju hann bakkar alltaf) og þá heyri ég í bakkljósunum... svona eins og vekjaraklukka sem ekki er hægt að slökkva á. Ég vakna semsagt yfirleitt mjög snemma á þriðjudagsmorgnum.
En núna svaf ég í gegnum lætin! Ég er að verða soldið bresk held ég... eins og innfæddur Breti með telaufin mín, fótboltaleik og sef lengi...

Sem betur fer kem ég heim eftir mánuð og tvo daga - þá hlýt ég að ná íslenskum venjum og siðum aftur!

Helgi og Hugrún

2004-11-07T10:45:00.000+01:00

Við erum búin að hafa það voðalega gott saman skötuhjúin. Hef ekki lært alveg eins mikið og ég ætlaði mér en bæti úr því í dag. Helgi fer í kvöld með lest til Manchester en það var víst lestarslys í gær nálægt Plymouth sem er í Suður-Englandi. Fær mann til að hugsa...

Ef maður er túristi í London þá verður maður að hafa áætlun og vita hvað maður ætlar að gera. Hef komist að því að án plans þá verður ekkert úr kvöldinu. Við ætluðum t.d. í "rómantíska" bátsferð í gær til Greenwich með skólafélögum mínum en rétt misstum af bátnum (gerðum ekki ráð fyrir vetraráætlun bátsins). Vissum ekkert hvað við áttum af okkur að gera og ákváðum því að fara í bíó en við vorum eiginlega bæði of sein og of snemma. Fórum því á næsta pöbb og fengum okkur einn og einn - fórum svo á veitingastað og vorum búin að þessu öllu og komin heim kl. hálf níu í gærkvöldi - á laugardagskvöldi!

Þetta var reyndar voðalega ljúft kvöld, við sátum heima með nammi og gos og horfðum á sjónvarpið - ég sofandi auðvitað. Alveg eins og heima...:-)

Næsta áætlaða heimsókn er eftir ca. 4 vikur. Þá kem ég til hans eða hann til mín.

Bróðir minn og mágkona ætla að koma í heimsókn til mín á miðvikudaginn og ég hlakka líka til að hitta þau. Örugglega ekki jafn rómantískt fyrir mig og að fá Helga hingað... En við erum að reyna að malla saman smá plan fyrir heimsóknina þeirra. Án plans verður ekkert úr helginni!!

Helgi kemur á morgun!

2004-11-01T20:34:00.000+01:00

Plön eru til þess að breyta þeim! Helgi breytti miðanum sínum og ætlar að koma í heimsókn annað kvöld en ekki á miðvikudagskvöldið eins og upphaflega planið gerði ráð fyrir! Ú ú, ég þarf að taka til, ég þarf að þvo þvott, ég þarf að kaupa eitthvað gott... við ætlum sko að hafa það rosalega gott saman, allavega eftir kl. 6 á daginn, því við ætlum auðvitað að læra á daginn!

Ég og Sigrún fórum í gær í matarboð hjá krökkum úr skólanum. Í tilefni dagsins gáfum við þeim lítið grænt (!) grasker og skírðum það Dylan (löng saga). Þetta var fyrsta upplifun mín af amerískri hrekkjavöku (tvö þeirra eru amerísk sko) og þetta var bara helv... gaman. Nóg af mat og drykk - ég fór a.m.k. ekki í leikfimi í morgun! Það var rosalega góð stemmning í lestinni á leiðinni þangað. Fullt af fólki á leið í partý - flestir í búningum í tilefni dagsins.

Í gær var mjög langur dagur. Þá var klukkunni seinkað um klukkutíma, þannig að þegar ég vaknaði í gærmorgun kl. 9, þá var klukkan í rauninni bara átta, og ég græddi því heilan klukkutíma til að læra! Jeij... Nú er ég a.m.k. á sama tíma og þið heima á Íslandi - sem er gott.

Skype er ekkert svo frábært sko, það er til dæmis ekkert skemmtilegt að tala saman og vera með WebCam-ið á sama tíma, þá stoppar annað hvort hljóðið eða myndin af og til. Svo þegar ég hringi heim til mömmu þá er alltaf einhver bið á eftir hljóðinu... en þetta er samt ódýrara en að hringja úr heimasíma, sem er gott.
Ég er nú eiginlega hætt að nota þetta WebCam, finnst það hálf spúkí að senda myndir yfir Internetið. En samt er þetta gaman af og til þegar maður þarf að sjá fjölskylduna sína.

Þetta er komið gott í bili - storkurinn kveður!

Lestarferðir og lífsspeki

2004-10-29T23:50:00.000+01:00

Mér líður aðeins betur núna heldur en fyrr í vikunni. Hrokinn er að minnka (ehemm) og ég held að þessir krakkar í hóp með mér séu alveg ágætir, svona þegar ég fer að kynnast þeim...

Í þrjá daga í röð hef ég átt langa heimferð eftir skóla. Yfirleitt er ég innan við hálftíma á leiðinni heim en af einskærri tilviljun virðist eitthvað hafa verið að lestarlínunni sem ég tek heim - nákvæmlega á þeim tíma sem ég þarf að taka hana heim. Þetta veldur því að ég þarf annað hvort að bíða á lestarstöðinni eða í lestinni með hundruðum annarra þreyttra, sveittra og pirraðra farþega (mjög heitt og þungt loft), eða að ég þarf að ganga á næstu lestarstöð og taka aðra línu heim. Önnur tilviljun: síðustu þrjá daga hef ég bæði verið með þunga leikfimistösku á bakinu og þungar bækur í skólatöskunni - það hefur semsagt verið allt annað en skemmtileg og hressandi upplifun að komast heim síðustu daga! En sem betur fer þá hafðist þetta nú allt saman.

Mér finnst ég hafa verið hér svo lengi, samt eru ekki nema fjórar vikur búnar af skólanum... 6 vikur eftir! Nú eru verkefnin að hrannast upp og ég er viss um að næstu fjórar vikur verði mjög fljótar að líða. Sem er synd í sjálfu sér því auðvitað er ætlunin að njóta þess að vera hér. Það er nottla gaman að búa í London en ekkert voðalega gaman að vera blankur námsmaður í London. Aumingja ég að þurfa að neita mér um svo margt... ég kem bara aftur þegar ég er búin að koma mér betur fyrir heima. Já aumingja ég að hafa fengið svona frábært tækifæri til að fara í frábæran skóla og kynnast skemmtilegu fólki! Gott fólk, þetta er bara spurning um viðhorf - er glasið hálf fullt eða hálf tómt?

Hjá mér er það hálft en tæmist aldrei! Góð lífsspeki? hehe

Hópavinna

2004-10-26T22:35:00.000+01:00

Sló met í dag í erfiðum dögum í dag!
Vann í hópverkefni ("Team work") með 4 öðrum útlendingum og enginn - nema ég auðvitað - virðist hafa metnað í að gera verkefnið vel. Ég var allt í einu komin í hlutverk kennara og varð að pína þau áfram. Það versta er að þau eru örugglega með fullt af hæfileikum sem ég hef ekki (lesist klárari en ég) en þau hafa hreinlega ekki dugnaðinn í að gera það sem þarf að gera. Skipulag, byrja fundina, taka niður athugasemdir af fundum, klára fundinn... allt erfið verkefni sem einhver þarf að gera = ég.

Svo í þokkabót þá ákvað einhver bjáni á bókasafninu að henda ekki tyggjóinu sínu heldur setja það á stólinn - sem ég sast á! Það er risastór tyggjóklessa á rassinum á nýju gallabuxunum mínum - sem eru núna í frystinum. Þetta alveg gerði daginn fyrir mig og ég fór bara heim...:-/

Kvöldin á ég reyndar laus og var því bara að horfa á sjónvarpið núna áðan og það hefur alltaf góð áhrif.

Eitt að lokum - ég vil leiðrétta stelpubloggið mitt frá því fyrr í mánuðinum því hún Sirrý frænka eignaðist víst strákling sem var skírður Aron, en ekki stelpu!

Sól og gott veður í London, hehe

2004-10-24T19:56:00.000+01:00

Það er ekki satt sem mér var sagt um Bretland - að það sé bara lóðrétt rigning hér. Í gærkvöldi rigndi sko í allar áttir með roki og tilheyrandi og regnhlífin mín eyðilagðist opinberlega. Regnhlíf er eitt af því sem ég tek með mér hvert sem ég fer, eins og lyklana, símann, kortið í lestina, veskið, vatnsbrúsa... já já eitt af þessu öllu. Þetta er eins og fylgihlutur í rauninni og verður auðvitað að vera í stíl við búninginn hverju sinni. Ég er reyndar svo hagsýn að ég kaupi mér allt svart og svarta regnhlíf í stíl auðvitað. Ef ég ætti t.d. rauða kápu yrði ég að eiga rauða regnhlíf í stíl og helst rauða skó og tösku... skiljið hvert ég er að fara. Ég er alltaf að spara sko!

Ég uppgötvaði það um helgina að skólapöbbinn er næturklúbbur um helgar. Ég mætti í sakleysi mínu á pöbbinn á föstudagskvöldið og ætlaði að hitta Sigrúnu þar og vinkonur hennar frá Brussel. Bjóst bara við pöbbastemmningu, ódýrir drykkir, og svona lala rólegheit. Þegar ég kom þangað um ellefu leytið þá var 20 metra röð fyrir utan staðinn og rukkað um 6 pund inn. Stúdentakjallaranum semsagt breytt hverja helgi í næturklúbb og þar er bar sem ég hef aldrei tekið eftir áður. Ég var frekar hissa að uppgötva þetta eftir, já, þrjár vikur í skólanum.

Talandi um það, þá eru bara 7 vikur í að ég komi aftur heim á klakann. Víst frost og kuldi undanfarið þar, en 17° hiti hér í dag! Ekki slæmt það, hehe. Fór í langan labbitúr í góða veðrinu í dag og endaði á Camden markaðnum - sem er mjög skemmtilegt svæði með fullt af götumörkuðum. Ég fann sólina bókstaflega steikja á mér andlitið og ég var alveg búin eftir labbið. Ágætt að vera byrjuð að rata aðeins um hverfið og núna loksins er ég byrjuð að uppgötva hvað er í kringum mig, annað en Tesco. Ég fann t.d. KFC og pizzastaði sem kemur sér vel eftir djammið. Já þetta er alveg sæmilegt pleis sem ég bý í sko.

Ég var að horfa á Extreme Makeover (þar sem fólk fær algjöra yfirhalningu á útlitinu og þáttastjórinn segir að þetta sé ný persóna - mjög mikið vit í þessu sko) og þar er fólkið tekið frá fjölskyldu sinni í 7 vikur og látið í alls konar aðgerðir og æfingar. 7 vikur er nógur tími til að breyta útlitinu algjörlega (og persónunni). 7 vikur þangað til ég kem heim... það er alveg séns sko? Hvað viljið þið sjá... Britney? Kate Moss? Jennifer Aniston?

Erfitt tungumál!

2004-10-21T22:57:00.000+01:00

Til hamingju með afmælið Helena! Ég er að missa af stórveislu:-( en hugga mig við það að það verða fleiri veislur ...

Það er soldið merkilegt við skólann minn - hann er mjög alþjóðlegur. Til dæmis eru kennararnir alls staðar að úr heiminum. Þeir nota doktorsnema til að vera með dæmatíma hjá okkur - það er svo hagkvæmt! Það er nú skrautlegt lið. Mér finnst nú lágmark að fólk geti gert sig skiljanlegan á ensku ef það ætlar að vera með dæmatíma! Er búin að lenda í miklum vandræðum undanfarið. Ekki nóg með að krakkarnir í bekknum eru stundum illskiljanlegir (framburðurinn á ensku getur verið ansi skrautlegur) heldur eru kennararnir oft með mjög bjagaðan framburð. Yfirleitt er það bara fyndið en það er t.d. ein rússnesk Olga að kenna mér og hún misþyrmir enskum fræðiorðum svakalega. Henni tekst kannski að segja orðið, t.d. technology, í þriðju tilraun, og þá er ég löngu búin að gleyma samhenginu. Sé bara fyrir mér James Bond á dögum kalda stríðsins á koddahjali við austurevrópska jómfrú. Svo er líka eins og dæmatímakennararnir séu ekki með sama prógram því verkefni fyrir minn dæmatíma virðast vera léttari (a.m.k. léttvægari) en hjá Sigrúnu. Merkilegt!

En hvað með mína ensku? Ég held að "amerísku" Norsararnir eigi soldið erfitt með að skilja mína ensku:-/ Fyndið, og ég sem hélt að ég væri sæmileg í ensku! Auðvitað finnst mér auðveldast að skilja fólkið sem býr í Evrópu, hvað þá í Skandinavíu og Ameríku. Hvað um það, ég er viss um að Kínverjarnir eigi erfiðara með að skilja mig en ég þá.

Það er samt mjög gaman að kynnast fólki frá ólíkum löndum. Býð nú reyndar ekki í að skoða matarmenningu þeirra allra alveg strax.

Ég var svo séð að ég tók með mér rauða hjartalaga ljósaseríu að heiman. Þurfti reyndar að fá mér millistykki - en núna er orðið svooo jólalegt inni hjá mér. Eða rómantískt. Eða bæði? Það er ágætt í skammdeginu. Það mætti segja mér að jólin hér koma mjög snemma - ég verð vonandi ekki búin að fá leið?

Núna á þessari stundu er hele familien uppí sumarbústað í Húsafelli, örugglega nýbúin að grilla og á leiðinni í pottinn.. umm... Stelpuskjáturnar mínar eru saman úti að borða og kjafta og hlæja... smjatt... Helgi er að fagna einhverjum verkefnum og er á pöbbnum... skál... En ég? Ég er að fara að sofa því ég ætla að vakna kl. 7 í fyrramálið og fara í ræktina - þó ég þurfi ekki að mæta í skólann fyrr en kl. 11! Svona er ég nú dugleg:-) zzz...

Leiðrétting

2004-10-19T22:59:00.001+01:00

Ég ætla að fá að leiðrétta fréttirnar um Ellu gellu vinkonu, hún eignaðist Heklu Rakel (17 merkur) þann 14. október en ekki þann 15. eins og ég sagði í gær... Samt súper fréttir! Æ hvað það er gaman að geta fylgst með á barnaland.is - sem mér (barnlausri) fannst alltaf svo tilgangslaus vefsíða. Nú skil ég loksins dýrðina og sniðugheitin!

Var súperhress í morgun hjá einkaþjálfaranum McClelland - efast þó um að ég verði jafn hress á morgun ef við tökum harðsperrur með í dæmið:-/ Úff þetta er hroðalegt nafn, hvernig segir maður þetta? makklellan? æveidiggi

Ég vil segja ykkur aðeins meira frá merkisdeginum í maí. Þá er góð vinkona mín að gifta sig í fallegri kirkju í sveitinni um það leiti sem ég tek vorprófin mín:-( Skil ekki fólk sem giftir sig þegar fólk er í miðjum prófum! Jább, tek fimm próf í maí en hef bara ekki hugmynd um hvenær nákvæmlega í maí!

Ég fékk þau ráð um daginn að njóta þess tíma sem ég verð í London því það eru forréttindi að vera hér. Já ég held það bara, ætla að gera aðeins meira í að njóta þess að vera hér!

Allt saman stelpur

2004-10-18T23:35:00.000+01:00

Úff, ég er búin að vera svooo dugleg að læra alla helgina og í dag! Rosalega stolt af mér. Held reyndar að ég sé búin með kvótann í bili, var eiginlega farin að hraðlesa greinarnar undir lokin. Alveg tími kominn til að anda og taka smá pásu.

Ella gella vinkona var að eignast litla dóttur á föstudaginn (15. október). Hún er svo dugleg þessi elska. Til hamingju Ella mín og Hlynur og Guðrún Eydís ef þið lesið þetta! Vonandi heilsast ykkur öllum vel.
Svo var Sirrý frænka líka að eignast dóttur einhvern tímann í haust og skírnin er á næstu vikum. Magga vinkona er næst í röðinni, á að eiga í desember, og svo kemur að Önnu Steinunni mágkonu í mars. Svava á að eignast Bumbus í apríl og ég er því að missa af ótrúlega mörgum merkisdögum í lífum vinkvenna minna! Ég spái því að þetta verði allt stelpuskjátur og það verður því hægt að halda allsherjar stelpupartý eftir herlegheitin! Fleiri merkisdagar verða svo seinni partinn í maí sem verður ekki farið nánar út í hér.

Jæja nóg komið af þessu bulli, þarf að vakna snemma í fyrramálið og hitta einkaþjálfarann í fyrsta skipti! (og vonandi eina skiptið) - fínt að fá smá spark í rassinn til að koma sér af stað... wish me luck!

Kosningar og kaupa föt

2004-10-16T23:41:00.000+01:00

Í gær voru kosningar til "nemendafélagsins" okkar hér í ADMIS prógramminu. Norsku vinkonur mínar tvær, Iselin og Mailin, ákváðu að bjóða sig fram til formanns - og það saman (þ.e. þær ætluðu að sinna formannsstarfinu í sameiningu)!! Þær eru voðalega fínar og ég veit að þær eru voðaleg duglegar og hafa mikla reynslu. Reyndar er Mailin ekki eins fín en það er önnur saga. Þær fóru upp á svið í gær og kynntu sig og svo átti að kjósa eftir það. Þær klúðruðu gjööörsamlega deginum! Þær fóru svo kolvitlaust að að ég skammaðist mín fyrir að vera í "Skandinavísku klíkunni" Já við erum orðin það mörg alltaf saman að þetta er orðið eins og klíka og ég er eeeengan veginn að fíla að vera í klíku.

Æ þær létu eins og það væri þegar búið að kjósa þær, allir hinir voru aumingjar, þær töluðu niður til samnemenda... og einhver tvítugur bjáni sem bauð sig líka fram fékk "pity-vote" og rústaði þeim og er semsagt nýi formaður IS Society. Ég var reyndar mjög hissa að sjá þessar drottningar misstíga sig á sviðinu. Vissi ekki alveg hvernig ég átti að vera í gær eftir kosningarnar... fór því bara heim og fékk mér súkkulaði (bjargar alltaf deginum).

Ég verslaði frá mér allt vit í morgun! Tók einn góðan laugardagsfyrripart og keypti nokkra boli og buxur, tösku, eyrnalokka (vona að Helgi lesi þetta ekki)... Fann prýðisgóða úlpu sem ég ætla að setja í minnistankinn og kaupa kannski þegar það er orðið kaldara. Ég held að það sé stórlega vanmetið að fara einn að versla. Framleiðnin (lesist keyptar flíkur) hjá mér hefur sjaldan verið meiri en í dag og ég er stolt af árangrinum. Keypti reyndar buxur í vitlausri stærð og þarf því að skipta þeim á mánudaginn. Reyndar var vitlaust númer akkúrat ástæðan fyrir því að ég fór í bæinn í dag - þurfti nebbla að skipta bol sem ég keypti á þriðjudaginn. Útkoman var semsagt fullt af nýjum fötum eftir daginn! Veit ekki hvort það sé sniðugt að þetta haldi áfram lengi...

Núna er veðrið eins og á góðum vordegi heima á Íslandi, þægilega svalt og stillt. Þetta er ágætt haust að mínu mati! Kemst ennþá upp með að vera bara á flíspeysunni í skólanum:-)

Ég bakaði mjög góðar muffins í kvöld og er því búin að hafa það mjög gott - muffins og hvítvín eru reyndar ekkert voðalega gott saman:-( en ég hlýt að sofa vel í nótt...

Webcam og Skype

2004-10-14T20:05:00.001+01:00

Hlakka ekkert smá til helgarinnar. Verð ein í íbúðinni og ætla að hafa það svoooo notalegt. Eitthvað gott að borða, rauðvín og nammi, og auðvitað læra læra læra.
Það er nebbla orðið alveg nóg að gera í skólanum, þó að Helgi sé ekki sammála því. Mastersnámið er greinilega svona misjafnt byggt upp hjá okkur. Hann er búinn að standa á haus síðan skólinn byrjaði en álagið fer hægt af stað hjá mér og nær hámarki í nóv-des. Bara átta vikur eftir!

Er byrjuð "á fullu" í ræktinni! Mataræðið líka tekið í gegn og ég er búin að vera dugleg a.m.k. þessa viku. Svo labba ég heilmikið í og úr skólanum og er því alltaf að brenna!! Reyndar er svolítið tricky að fara í ræktina því sturtuaðstaðan er í einu orði sagt ömurleg. Því þarf ég að drífa mig heim í sturtu eftir ræktina og get því bara tekið æfingu eftir skóla.

Ég fór á djamm með deildinni í gær (160 manns) og er orðin svooo stabíl að ég fór heim kl. 10:30 eftir einn drykk:-) Fyrst fórum við reyndar 7 saman út að borða. Ég get sagt ykkur það að það borgar sig ekki að byrja bara að labba sjö saman og reyna að finna einhvern stað. Sumir vilja ítalskan, sumir kínverskan, sumir hitt og þetta... Þetta gekk mjög hægt og sumir voru orðnir soldið svangir þegar við loksins álpuðumst inn á indverskan veitingastað. En maturinn var góður og það er fyrir öllu.

Webcam-ið er frábær uppfinning! Ég hitti áðan Halla bróður á MSN og hann er líka með myndavél. Mamma og pabbi voru í heimsókn og það var mjög gott að sjá aftur fólkið mitt í beinni útsendingu. Ég mæli með því að fólk fái sér Skype og kaupi sér headset fyrir internetið. Ég er hugrunskvisa á Skype ef þú vilt hringja í mig... pínu einmana stundum:-/

Annars líður mér voðalega vel í litla herberginu mínu með beygluðu gólffjölunum og þunna glugganum. Er reyndar ekki nógu dugleg að þrífa - það kemur enginn í heimsókn.

Jú reyndar ætlar hún Mæja Pæja að koma í heimsókn í janúar!!! Við ætlum að fara á Arsenal - Manchester United (þ.e. ef við fáum miða á leikinn á viðráðanlegu verði og á sæmilegum stað) og að sjálfsögðu ætlum við að djamma soldið og versla.

Einhverra hluta vegna get ég ekki sent KB banka póst frá skólanetfanginu mínu. Það gæti útskýrt af hverju sumir hafa ekki heyrt frá mér... ég hélt að þjónustufulltrúinn minn væri bara að dissa mig því hún svaraði mér aldrei. En að sjálfsögðu fékk ég frábæra þjónustu þegar ég loksins komst í gegn! (alltaf að vinna sko)

Núna er víst saumaklúbbur hjá Lucky 7even (stelpunum sko) og ég er þvílíkt að hugsa til þeirra núna. Ef Mæja væri bara með nettengingu! úff hvað ég er orðin lystug (lesist gráðug) í eitthvað gotterí... saumaklúbbsveitingar:-þ

England 2 Wales 0

2004-10-10T10:29:00.000+01:00

Nú er skólinn kominn á fulla ferð og nóg að gera að lesa. Ég ákvað að nota laugardaginn - örugglega síðasti laugardagurinn sem ég kemst upp með að eyða ekki í lestur - í að gerast túristi í London og fékk innfæddan Lundúnarbúa til að sýna mér borgina. Helga Thoroddsen vinkona lét mig fá póstfangið hjá James, vini sínum úr mastersnáminu hennar hér fyrir tveimur árum. James er helv... duglegur leiðsögumaður og labbaði með mér frá Tower Bridge til London Eye og þaðan til Covent Garden. Þetta var fínn labbitúr og ég gat spurt hann um alls konar staði og byggingar sem maður fær ekki endilega upplýsingar um í túristabókum. Til dæmis hvaða bygging er eins og vindill í laginu? Hvaða bygging er þetta sem er alveg að detta? Hvar var verkalýðsfélagið fyrir hattagerðarmenn stofnað? Hvar voru reglurnar um fótbolta settar? Við enduðum á skemmtilegum pöbb sem heitir Freemason´s Arms þar sem fyrir hundrað árum einhverjir herramenn ákváðu að greina á milli reglna í fótbolta og rugby. Ég var semsagt við elsta helgidóm fótboltans og þar notuðum við tækifærið og horfðum á leik Englands og Wales. Skemmst er frá því að segja að England vann, 2-0.

Alveg magnað að fylgjast með "enskurum" að horfa á svona leik. Reyndar var leikurinn víst ekkert spennandi því Wales er með svo lélegt lið og ef þetta hefði verið leikur sem "skipti máli" þá hefði sko verið miklu meira um læti. Um leið og England skoraði fann ég hvernig andrúmsloftið sprakk, allir stukku upp með hendur á lofti og öskruðu... ja bara eitthvað! Svo þegar markið var sýnt aftur hægt - þrisvar - þá gerðist alltaf þetta sama, þeir öskruðu í hvert skipti sem boltinn snerti netið!. Merkilegt.
James er fínn og ég get mælt með honum við hvern sem er! Helga, kærar þakkir:-)
Here´s for you, James! Cheers!

Á föstudaginn héldum við Sigrún okkar fyrsta matarboð og buðum tveimur Ameríkönum úr skólanum heim. Nicole og Stephen. Þetta heppnaðist það vel að þau ætla að endurgjalda boðið fljótlega. Reyndar á ég engan heiður skilið því hún Sigrún eldaði dýrindis lasagna sem heppnaðist mjög vel. Fórum svo í partý hjá bekkjarsystur okkar. Partýið byrjaði kl. 7 (!) en æji ég var ekki alveg til í að mæta svo snemma. Þetta er eitt af því sem maður þarf bara að venjast í annarri menningu - að mæta í partý kl. 7.

Talandi um partý, þá var fólkið fyrir neðan mig með partý í alla nótt!! Ég held að síðsta fólkið hafi farið um kl. 7 í morgun þegar það ýtti á bjölluna okkar en ekki partýbjölluna. Þar sem það er voðalega þunnt í gluggunum (sem eru reyndar tvöfaldir) og þunnt í gólfunum og þunnt í veggjunum þá heyrði ég greinilega orðaskil. Það var eins og að vera staddur í partýinu. Úff, ég svaf því ekki mikið í nótt. Við ætlum að vera mjög duglegar að þvo í dag því þvottavélin tekst yfirleitt á loft þegar hún vindur og við vonum að það trufli nágrannana mikið!

Ég er búin að fá mér webcam! Reyndar pantaði ég frá e-bay bæði webcam og headset - svo við Helgi getum nú sést og talað saman daglega - en bjánarnir sendu mér tvær webcam! Alltaf að græða...

Úff, best að byrja að læra fyrir vikuna.

Ekkert lesefni!

2004-10-06T19:47:00.000+01:00

Ég er ekki ennþá byrjuð að læra - hef ekki lesið staf heima! Komst einmitt að því í dag að LSE er þekktur fyrir að setja ekki fram neinn sérstakan leslista - bara svona lista yfir efni sem gott væri að lesa til viðbótar við fyrirlestra. Heima þýðir þetta aukaefni sem enginn nennir að lesa en hér þýðir þetta einfaldlega það að maður verður sjálfur að finna lesefnið að miklu leiti. Gæti reyndar þurft að kaupa einhverjar bækur (veit ekki enn um neina) en við erum nokkrar sem ætlum að skiptast á að kaupa bækur og ljósrita fyrir hinar úr bókunum þegar hægt er. Reyndar fékk ég ljósrit af greinum frá tveimur kennurum í dag og það er reyndar alveg slatti.

Best að byrja að lesa...

Skólapöbbinn

2004-10-06T01:01:00.001+01:00

Úff þetta er búinn að vera þægilegur dagur. Enginn skóli - nema í kvöld fórum við á skólapöbbinn að hitta vini okkar.

Fórum í fyrsta labbitúrinn um nágrennið í dag. Uppgötvuðum fullt af skemmtilegum búðum og búllum. Ekkert sem hægt er að eyða fullt af peningum í, aðallega matvörubúðir og pöbbar. En það er ágætt að vita í hvernig hverfi maður býr. Þetta virðist vera alveg ágætt og snyrtilegt. Fínt að vita í hvaða átt næsti pizzastaður er!

Skólapöbbinn er örugglega með snyrtilegasta salernið sem fyrirfinnst í London! Enda er hann glænýr og er ætlaður fyrir alþjóðlegan hóp af nemendum. Þetta er kannski ástæðan fyrir því að við sækjum soldið í skólapöbbinn. Þetta og gott verð. Reyndar er opið þar lengur en á flestum öðrum pöbbum - skólapöbbinn er alltaf að fá fleiri og fleiri stig!

Það er reyndar ágætt að rasa aðeins út áður en alvaran byrjar. Það er ekki búið að setja okkur neitt fyrir - engar bækur og ekkert lesefni - en mig grunar að það eigi eftir að breytast. Þangað til eigum við örugglega eftir að hafa það voðalega gott. Ég var reyndar heima í gærkvöldi og missti víst af svakalegu djammi á skólapöbbnum. En hvað um það, fínt að slaka á aðeins. Er komin rosalega mikið inn í Footballer´s Wives og The L Word.

Úff, á að mæta í tíma kl. 11 í fyrramálið - verð að koma mér í háttinn:-)

Fyrsti skóladagurinn

2004-10-03T16:41:00.000+01:00

Fyrsti skóladagurinn fer að renna upp! Búin að bíða hér í tæpar þrjár vikur eftir að fá að byrja og hlakka þvílíkt til!

Fór á kynningarfund á föstudaginn og hitti bekkinn minn. 150. Líkurnar á að kynnast fínum krökkum eru því ágætar og við erum strax búnar að kynnast tveimur krökkum frá Noregi. Ég segi við því við Sigrún erum svo heppnar að vera í sama kúrsi og höfum því farið saman í skólann hingað til.

Ég held að langflestir skamnemendur mínir séu í svipuðum sporum og ég. Hafa litla reynslu af upplýsingakerfum en finnst námsefnið samt hljóma roooosalega spennandi. Fyrir þá sem ekki vita það heitir námið mitt Admis - Analysis, Design and Management of Information Systems - og hefur verið kennt í LSE í yfir 25 ár. Skólinn segir að MS nám í Information Systems í öðrum háskólum á Bretlandi sé léleg eftirlíking af ADMIS... hver veit! Vantar svosem ekki stoltið í skólann...

Námið er skemmtilega byggt upp og ég tek fjögur fög fyrir áramót. Prófin verða hins vegar í maí því jólin eru yndislegur tími og deildin vill ekki eyðileggja jólin með prófum! Það var okkur a.m.k. sagt. Eftir áramót tek ég þrjú fög og í sumar er það auðvitað mastersritgerðin.

Okkur var líka sagt að það yrði sko nóg að gera og því væri gott að kynnast London og skemmtanalífinu ÁÐUR en námið byrjar - núna tekur sko alvaran við og enginn tími til skemmtana. Að sjálfsögðu reyni ég að fá sem mest út úr þessu og ætla sko ekki að eyða tíma og peningum í ekki neitt hér!

Fór til dæmis út í gærkvöldi. Eins og týpískir Íslendingar fórum við seint út og vorum ekki komnar fyrr en rúmlega ellefu á klúbbinn. Ef við hefðum komið fyrr hefðum við sleppt við að borga átta pund inn sem þykir mikið hér. Merkilegt nokk, staðurinn var fullur af fólki og allir að dansa og skemmta sér. Við vorum svo bara búnar að djamma kl. 1 og tókum bíl heim. Yndislegt að fara snemma að sofa, elduðum meira að segja hakk fyrir svefninn. Sunnudagurinn hefur því verið tekinn sem afslöppun - síðastin dagurinn fyrir skólann...!!!

Live and Let Die

2004-10-01T08:45:00.000+01:00

Úff, það er hljómsveit fyrir utan gluggann hjá mér að spila! Klukkan er korter í níu að morgni, ég var að djamma í gær og ætlaði að sofa út... Þetta lið mar! Það er nebbla jarðarför í næsta húsi og að góðum sið (ímyndið ykkur New Orleans) er komin hljómsveit að spila fyrir... veit ekki alveg fyrir hvern. Þetta er mjög skemmtileg tónlist en komm on!! Þegar ég vaknaði þá hugsaði ég með mér "Vá það er eins og það sé hljómsveit fyrir utan gluggann minn að spila eins og í byrjuninni á James Bond myndinni Live and Let Die" Svo leit ég út og uppgötvaði að ég er helv... klár!

Það var mjööög gaman í gær. Fyrst komu Helena og Binni í heimsókn og við spjölluðum í fjóra tíma í rólegheitunum. Svo fórum við Sigrún á Graduate Evening (lesist fyrsta djamm skólans) sem var haldið á pöbb í skólanum. Skólinn samanstendur af nokkrum byggingum í kös og að sjálfsögðu er mjótt stræti á milli þeirra. Það voru ca. 500 manns mættir á pöbbinn sem tekur ca. 50 manns þannig að restin var út í strætinu. Muniði eftir stemmningunni kl. 3 í miðbænum í gamla daga? Þetta var miklu betra - allir hressir og að byrja að djamma og spjalla saman og kynnast. Stemmningin klikkaðist þegar Samba hljómsveit kom út úr kjallaranum og allir í strætinu dönsuðu, klöppuðu og hoppuðu með! Þetta var mjög skemmtileg upplifun.

Við hittum tvo stúdenta sem fara í sama kúrs og við - Hatim frá Pakistan og Mailin frá Norge. Við förum á eftir upp í skóla að hitta alla krakkana... það verður spennandi.

Miðað við ástand mitt núna þá geri ég ekki ráð fyrir að gera mikið í kvöld... hver veit

Sex þúsund í LSE?

2004-09-29T22:10:00.000+01:00

Ég fór á skólasetninguna í dag og komst að einu. Vissir þú að það eru ekki nema um sex þúsund námsmenn í LSE? Ekki ég heldur! Bjóst við að það væru fleiri stúdentar í þessum fræga skóla...

Það gengur ekki nógu vel að setja inn myndir. Kom þessum tveimur myndum inn, annarri af mér á The Manchester Museum of Art og hinni af meðleigjendum okkar Helga. Þau eru sæt saman, ekki satt?

Núna eru reikningarnir byrjaðir að hrúgast inn hjá okkur. Máttum svosem búast við því... æ það er samt alltaf leiðinlegt að fá gluggapóst. Það er samt ótrúlega mikið ódýrara að kaupa í matinn hér en heima. Ég borða því kjúkling og grænmeti í öll mál - herramannsmatur (og hvítvín með auðvitað)! Fann reyndar ekki sýrðan rjóma, guacamole eða ostasósu hér í Tesco og borðaði því heldur fátæklegt Chicken Fajita!

Helena og Binni ætla að kíkja í heimsókn til mín á morgun - fyrsta "opinbera" heimsóknin til mín:-) Ætla að búa til eitthvað gott handa þeim og taka til svo allt verði hreint og fínt. Ummm, langar í saumaklúbbsveitingar núna...

Er nýbyrjuð að lesa Angels and Demons eftir Dan Brown - höfund Da Vinci Code. Ef ég les spennubók á kvöldin þá fer ímyndunaraflið á fullt fyrir svefninn og það er sko ekkert sniðugt. Mig dreymir bara alls konar samsæri, morð og eltingarleiki. Það er líklega betra að horfa bara á sjónvarpið í kvöld... já ætla að gera það.

2004-09-28T20:34:00.000+01:00

Sigrún og Martin

2004-09-28T20:33:00.000+01:00

Fór sko á söfn í Manchester líka!

Nettengd heima!

2004-09-28T16:07:00.000+01:00

Nú fyrst er eins og ég sé komin í samband! Búin að vera að bögglast með lélega tengingu heima og allt hefur klikkað sem getur klikkað. En núna er ég nettengd og hef því enga afsökun fyrir að láta ekki heyra í mér!

Það var mjög hressandi að skipta um umhverfi og kíkja til Manchester. Þó það hafi auðvitað verið yndislegt að hitta Helga og eyða nokkrum dögum með honum þá finnst mér voða gott að koma "heim". Já, mér finnst íbúðin mín hér í London vera "heim". Ótrúleg aðlögun á mettíma!

Ég kíkti við í skólanum í dag eftir að hafa villst um London í tvo tíma (var að kaupa Router fyrir netið...) Það eru örugglega milljón stúdentar í LSE! Það er alltaf lööööng röð alls staðar ef maður þarf að gera eitthvað. Þar að auki tekur tvær vikur að fá allt. En nóg um það, nenni ekki að kvarta lengur yfir því!

Ætla að reyna að elda eitthvað gott í kvöld - eitthvað hollt og gott - því Sigrún eldaði svo rosalega góðan mat handa mér um daginn...

Manchester England England

2004-09-25T16:49:00.000+01:00

Merkilegt hvað ég fíla Manchester miklu betur núna en þegar ég kom hingað síðast. Þá voru aðstæður svosem ekki þær bestu, en núna sé ég borgina í allt öðru ljósi. Það er mun minni kliður og læti heldur en í London og mér líður bara ágætlega hér.

Ég kom hingað á fimmtudagskvöldið og Helgi dró mig út á pöbbarölt. Eða klúbbarölt, því pöbbarnir loka hér kl. 11. Manchester er víst stærsti háskólabærinn í Bretlandi með um 90 þúsund stúdentum. Það hefur sko ekki farið framhjá mér. Fullt af venjulegu fólki (!) á besta aldri. Háskólarnir eru allir á sama svæðinu og Helgi býr í 10 mín. göngufjarlægð frá þeim. Reyndar er líka 10. labb á veitinga- og pöbbagötur en það er önnur saga.

Á fimmtudagskvöldið hittum við krakka sem eru að byrja í þeim masterskúrsi sem ég ætlaði að fara í hér. Skrítið að hitta þau en þau virkuðu öll mjög almennileg. Það eru víst ekki nema um 20 manns í þessu námi, en í mínu námi verða um 140 manns. Merkilegt! Kemst ekki hjá því að hugsa hvort ég sé að missa af einhverju hér... Neibb, held ekki.

Fór inn á "yndislegan" Vodka bar í gær, þar sem Vodka er aðaldrykkurinn. Ekki bjór. Ekki vín. Bara Vodka!! Ótrúlegt úrval af girnilegum vodka kokteilum og vodka staupum - en þetta er reyndar ekki ódýrasti barinn á staðnum. Ekki má gleyma að tónlistin var líka mjög fín.

Fjárfesti í síma í dag þar sem ég er búin að vera í tómu tjóni varðandi síma. Helgi lánaði mér gamla Nokia 5110 símann sinn - sem er yndislega stór en traustur. Viti menn - heima hjá mér er hann sambandslaus! Bý ekki á útnára eða neitt svoleiðis heldur er "loftnetið" svo lélegt. Sigrún lánaði mér flottan og nettan Sony Ericsson síma en ég hef víst ekki Sony Ericsson putta eða lagni. Ákvað því að kaupa mér síma á markaði hér í Man. Þetta er gamli góði Nokia 3340, ekki með litaskjá eða neinu. En hann ætti að duga hér og kostaði ekki nema 40 pund ólæstur!

Planið fyrir kvöldið er einfalt og gott, við ætlum að elda dýrindis nautasteik og slaka svo á yfir góðri mynd - alveg eins og heima!

Sjonvarpid komid

2004-09-23T16:30:00.000+01:00

Loksins - komin med almennilegar stodvar i sjonvarpid. Nu er haegt ad liggja fyrir framan tellyid og horfa allan daginn a einhverja vitleysu. Alltaf gaman ad Queer Eye for the Straight Guy.

Fengum lika sima heim og netid... en tad er vist eitthvad mal ad tengja mina tolvu vid netid tannig ad vid verdum ad thola utlenska stafi adeins lengur...

I kvold fer eg til Manchester - vuhuuuu - og get vonandi sett inn einhverjar myndir a morgun (jebb, Helgi er med myndavelina). Lestin er 3 tima og 45 min. ad fara thangad en ekki nema tvo og halfan tima heim(!) soldid skritid.
Eg keypti mer fina bok fyrir tiu dogum sidan - Da Vinci lykilinn - en hef reynt ad spara hana til ad eiga lesefni i fyrstu lestarferdinni. Truid mer, tad er ekki audvelt ad sara tessa bok...

Keypti pakka af dufti fyrir Brownies i Tesco og thaer brogdudust mjooog vel. Skritid ad lesa a Betty Crocker pakka med islenskum leidbeiningum!

Kem aftur hingad a manudagskvoldid og hef tvi fjora daga i Manchester til ad sja af hverju eg er ad missa (helv... snobbid i manni alltaf!)

Allt ad koma

2004-09-22T12:21:00.000+01:00

Er buin ad vera ad koma mer fyrir sidustu daga. Mjoooog gott. Keyptum okkur sjonvarp, hillusamstaedu, skrifbord, potta og ponnur... the works. London fer ad verda soldid heimilisleg.

A morgun fae eg internet, sima og sjonvarp og ta haetti eg tessari vitleysu med "enska stafi". Reyndar hef eg komist einu sinni inn a thradlaust net sem er i husinu en tad er svo haeg tenging og eg hef vist ekki tolinmaedi i slikt... Einnig faum vid fleiri vorur sem vid keyptum i Argos a morgun (fint ad fa fria heimsendingu).

For i morgun og aetladi ad skra mig i skolann en bjanarnir a skrifstofunni fundu ekki studentakortid mitt. Vid erum ad tala um 150 manns i rod fyrir aftan mig og eg misskildi konuna og helt ad eg aetti ad koma aftur seinna i dag og saekja kortid... ekki anaegd. Sem betur fer a eg ad saekja kortid mitt annad seinna i dag - t.e.a.s. ef tau finna kortid!

Fyrsti skoladagur er ekki fyrr en 4. oktober sem tydir ad eg hef nogan tima til ad slaka a adur en skolinn byrjar. Tad var meira ad segja maelt med tvi ad madur slappi af adur en skolinn byrjar tvi tad verdur svo mikid ad gera...

Eg fretti ad tad hafi verid storar frettir i saumaklubbnum i gaer! Til hamingju med tad stulkur...

Helgi for til Manchester a laugardaginn og filar sig mjog vel tar. Ibudin er nalaegt baedi skolanum, lestarstodinni og midbaenum en samt i mjog kyrrlatu hverfi(!). Vildi ad eg gaeti sagt tad sama um mina ibud... frekar mikill havadi af umferdinni sem berst inn um gluggann minn. Enginn munur a tvi tegar eg hef gluggann opinn og lokadan. Leigusalinn aetlar vist ad thetta gluggann og eg bara vona ad tad eigi eftir ad einangra hljodid. Fyrir ta sem tekkja til ta er eg i nordur Islington (Zone 2) i postnumeri N4. Tetta tykir vist frekar midsvaedis i London.

En talandi um Helga, ta fer eg annadkvold i mina fyrstu ferd til Manchester! Vid aetlum ad venja okkur haegt vid "adskilnadinn" og hittast oft fyrst um sinn, a.m.k. adur en skolinn byrjar hja mer.

Vonandi kemst eg a netid heima a morgun med fartolvuna...

Nytt heimili!

2004-09-18T12:20:00.000+01:00

Tetta tokst i gaer, vid faum ibudina i dag!
Merkilegt hvad skriffinnskan er mikil. Vid fengum ad vita seint a fimmtudag ad eg thurfti ad redda annad hvort medmaelum fra fyrri leigusala um umgengni og skilvisi, eda vottordi um ad eg a ibud. Komst ad tvi ad skattmann getur gefid ut vottord um ibudina en eg tyrfti ad lata saekja tad tangad og lata svo loggiltan skjalatydanda tyda vottordid yfir a ensku og faxta tad svo hingad! Eg akvad ad "redda mer" bara med medmaelum fra fyrri leigusala....
Einnig tarf abyrgdarmadur heima ad abyrgjast ad greida leiguna ef eg geri tad ekki. Leigumidlunin faxadi bref heim og pabbi turfti ad kvitta a tad. Ekki nog med tad, heldur i gaer kl. 10:30 sagdi hun mer ad eg tarf lika ad utvega bref fra bankanum hans pabba um ad hann er godur og skilvis kunni! Tarf ekki ad taka tad fram ad Sparisjodirnir (tar sem pabbi er) gatu ekki reddad honum i gaer og tar med var draumurinn um ad flytja inn i dag uti.

En vegna einhverra gudomlegra ahrifa sem vid vitum ekki hvad er, ta hringdi leigumidlunin i okkur i gaer og tilkynnti ad vid faum ibudina i dag. Skritid, en eg kvarta ekki!

Semsagt, fimmtudagurinn og fostudagurinn foru i ad hringja heim og redda hinu og tessu. Eyddi um 20 pundum i simtol ut um allt! Og truid mer, tad er alveg tess virdi til ad komast hedan sem fyrst!

Tetta er ekkert sjabby eda osnyrtilegt, heldur bara litid og throngt, og vid deilum einni sturtu med 4 eda 5 odrum. Ekki gaman ad bida a hverjum morgni i rod eftir sturtunni og WC. Svo er sturtuklefinn svo litill ad eg var naerri drukknud fyrsta skiptid sem eg profadi hana. Tad er nebblega ekki haegt ad anda i sturtuklefanum nema med tvi ad stinga hausnum ut fyrir sturtuhengid...

Held samt ad tetta se mettimi hja okkur. Byrjudum ad leita ad ibud kl. 12 a fimmtudag og fundum the one kl. 14, faum ibudina i dag, laugardag, kl. 14.

Nuna eru taepir thrir timar i ad eg fai nyja heimilid mitt!!

Fann ibud!

2004-09-17T09:49:00.000+01:00

Jebb, vid fundum fina IKEA ibud i gaer. Hun er mjog nalaegt einhverri underground stod tar sem retta linan fer, tannig ad vid buumst vid ad vera um 15-20 min i skolann.
Set inn myndir tegar eg fae taer, en vid aetlum ad reyna ad flytja inn a morgun, laugardag!
Meira seinna...

Ekki utsofin

2004-09-16T10:03:00.000+01:00

Vid erum a tridju haed a ellefu haeda hosteli i midri London. Stadsetningin er frabaer, nalaegt Oxford Street, Covent Garden og Soho. Gallinn er sa ad a hverri nottu, eda frekar a hverjum morgni kl. 6, ta byrjar einhver bjani ad fikta i ruslagami beint fyrir utan hja okkur. Tetta er svona rafmagns pressugamur og herna byrjum vid sko snemma ad pressa ruslid okkar! Og laetin eru thvilik ad to madur loki glugganum (tessum eina litla glugga sem opnast mjog litid af oryggisastaedum) ta faer madur ekki svefnfrid:-( Laetin haetta um sjo og ta getur madur reynt ad sofna aftur, ef ekki vaeri fyrir hina bjanana sem fara snemma a faetur og bua a somu haed og eg. Hurdirnar skellast og tad er a.m.k. mjog erfitt ad komast hja tvi ad vakna.
Jeg er semsagt frekar illa sofin... get ekki bedid eftir ad bua til "heimili" her i London.

Vid hittum Martin (medleigjanda Helga) i gaer og hann virkar mjog edlilegur og finn naungi. Hann allavega litur ekki ut fyrir ad vera axarmordingi... hvernig litur annars slikur ut? Vid verdum bara ad vona tad besta... Thetta er allt ad smella...

Nu a eg hvergi heima...

2004-09-15T16:37:00.000+01:00

Nuna er allt ad gerast. Er komin til London og buin ad taka turistahringinn og versla svolitid. Myndir koma a siduna innan tidar...

Vid byrjum ad skoda ibudir a morgun og a vonandi eftir ad hitta Helenu og Binna i vikunni. En gvuuud hvad tad er gott ad tekkja einhvern her! Sigrun er komin og vid aetlum a fullt og flytja hedan a.s.a.p.!

Kikti i skolann i dag, allt litur vel ut. Gymmid er frekar litid en alls ekki sodalegt og ljott (hjukkitt).

Nog i bili, aetlum ad hitta Martin nuna eftir korter. Uppfaeri siduna vonandi fljotlega...